5 զոհերի գանգերը պետք է անհապաղ հետ բերել. Փարիզի Մարդու թանգարանում գտնվում են 18 հազար գանգեր, վախեցել են հրապարակել          Չինաստանը եւ Ռուսաստանը՝ որպես 2 երկրներ, որոնք «վտանգ են ներկայացնում բազմաբեւեռ աշխարհի համար.Պետք է դեմն առնել՝ խուսափելու սառը պատերազմից       Մարդկանց մոտ նվազում է Y քրոմոսոմը,ինչպես են ծննդաբերելու տղամարդկանց, դա կարող է հանգեցնել մարդկության ավարտին    

12 հուն 2017 20:47

Բաց բերանով քնելը հանգեցնում է կարիեսի

 
Նոր Զելանդիայից գիտնականները հանգել են եզրակացության, որ բաց բերանով քնելը վտանգավոր է առողջության համար: Հետազոտության ընթացքում պարզվել է, որ բաց բերանով քնելը հանգեցնում է բերանից տհաճ հոտի, բերանի խոռոչի հիվանդությունների եւ կարիեսի: Բացի այդ՝ քնած ժամանակ մարդու բերանը կարող է միջատ մտնել կամ վարակ ընկնել:
Բաց բերանով քնելը հանգեցնում է բերանի խոռոչի լորձաթաղանթի չորանալուն, ինչի արդյունքում բարձրանում է թթվայնությունը, ինչն էլ նպաստում է ատամների էմալի քայքայմանը: Քթի գոլորշիացումն ու չորացած լորձաթաղանթը հրաշալի պայմաններ են ապահովում պաթոգեն մանրէների բազմացման համար եւ, որպես արդյունք, մեծանում է ինֆեկցիոն հիվանդությունների առաջացման վտանգը:
Բաց բերանով քնելու ժամանակ եւս մեկ լուրջ խնդիր է դառնում օրգանիզմը ոչ բավարար քանակությամբ թթվածնով ապահովելը: Միայն քթով շնչելու դեպքում է հնարավոր օրգանիզմն ապահովել այնպիսի քանակությամբ թթվածնով, որն անհրաժեշտ է նորմալ կենսագործունեության համար:
Սխալ շնչառության հետեւանքով մարդն ամբողջ օրվա ընթացքում հոգնածություն է զգում: Հաշվի առնելով վերը նշվածը՝ մասնագետները խորհուրդ են տալիս ազատվել պատճառներից, որոնք ստիպում են բաց բերանով քնել: Եթե քիթը փակ է, հարկավոր է կաթիլներ օգտագործել, բայց դրանք չարաշահել պետք չէ: Այլ պատճառների առկայության դեպքում հարկավոր է դիմել բժշկի:

Մեկնաբանություններ


Համընկնող լուրեր