Ալիևն ու Էրդողանը քննարկել են ԼՂ հակամարտության կարգավորման հարցը
Ադրբեջանի նախագահ Իլհամ Ալիևն իր թուրք գործընկեր Ռեջեփ Թայիփ Էրդողանի հետ Ստամբուլում քննարկել է Լեռնային Ղարաբաղի հակամարտության կարգավորման հարցը, հայտնում է ria.ru-ն՝ Ադրբեջանի նախագահի մամուլի ծառայությանը հղումով։Էրդողանը ևս մեկ անգամ ընդգծել է, որ «Թուրքիան, ինչպես միշտ, կողմ է, որպեսզի ԼՂ հակամարտությունը կարգավորվի Ադրբեջանի տարածքային ամբողջականության շրջանակում՝ միջազգային իրավական նորմերի հիման վրա»: Աղբյուրը հավելում է, որ Թուրքիայի և Ադրբեջանի ղեկավարները պայմանավորվել են խորացնել համագործակցությունը ռազմական ոլորտում: Նրանք ընդգծել են նաև, որ Թուրքիան ու Ադրբեջանը բոլոր հարցերում գտնվում են «կողք կողքի»։ Հայտնի է, որ Ալիևը Ստամբուլ է ժամանել 22-րդ Համաշխարհային նավթային կոնգրեսին մասնակցելու նպատակով:
