Տեսանյութ. Փաշինյանի հրատապ հավաքին ներկա է նաև ՊՆ նախարարը. Mediahub.am          Մեքսիկայում պոչով երեխա է ծնվել. 2 ամիս անց նկատել են, որ աղջկա պոչը շարունակում է աճել       Ալիևը բռնել է եվրոպացիների դամարը.Ինչի՞ հետևանք է Կլաարի ադրբեջանանպաստ դիրքորշումը    

11 հոկ 2017 13:30

Կպատժեմ մարդկանց, որոնք բանակում պարտադրել են աղոթել. Վիգեն Սարգսյան

 

Ես չգիտեմ որեւէ դեպք, որ բանակում հարկադրել են զինծառայողին աղոթել կամ մկրտվել։ Այս մասին այսօր՝ հոկտեմբերի 11-ին, ԱԺ-ում «Զինապարտության եւ զինվորական ծառայության մասին օրենսդրական նոր կարգավորումների վերաբերյալ» թեմայով խորհրդարանական լսումների ժամանակ հայտարարել է պաշտպանության նախարար Վիգեն Սարգսյանը՝ անդրադառնալով Հայաստանի Հելսինկյան կոմիտեի ղեկավար, իրավապաշտպան Ավետիք Իշխանյանի դիտարկմանը, որ բանակում զինվորներին ստիպում են աղոթել, մինչդեռ զինվորների մեջ կան աթեիստներ կամ այլ կրոնական ուղղություն դավանողներ:

«Եթե ունեք նման դեպք, ես շատ հետեւողական կպատժեմ մարդկանց, որոնք օրենք են խախտել», - արձագանքեց նախարարը՝ հավելելով, որ ինքը շարունակելու է հաճախ հրամանատարների հետ այցելել Մայր Աթոռ. ««Որովհետեւ բացարձակ եմ համարում այն արժեքը, որը մեր Հայ առաքելական եկեղեցին ստեղծում է մեր արժեհամակարգում, առհասարակ»։

Նրա խոսքով, Ամենայն հայոց կաթողիկոսի ջանքերը բանակում հոգեւոր արժեքներ սերմանելու ուղղությամբ տվել են եւ տալու իրենց արդյունքները. «Մեր հոգեւոր սպասավորների ինստիտուտը մեծ դերակատարում ունի` եւ' որպես բանակային հոգեբանների, եւ' որպես ավագ ընկերների` զինվորի կողքին կանգնելու: Մենք այդ ինստիտուտը պետք է շարունակենք ուժեղացնել»:



Մեկնաբանություններ


Համընկնող լուրեր