Սրանք էս ինչ զուլում են մեր գլխին բերում․․․Այսօր՝ հայ-թուրքական սիրախաղի դարաշրջանում, իրավիճակ է փոխվել          Մենք որոշակի քայլեր արել ենք, բայց ՀՀ-ն իր վրա եղած ճնշումների պատճառով դեռ չի կարողանում մեր ուզած համարձակ քայլերն անել       Քաղաքացիությունից կզրկվեն այն մոլդովացիները, ովքեր կկռվեն ՌԴ-ի կողմից    

07 նոյ 2017 17:20

Գիտնականները պարզել են, թե մարդիկ ինչ են զգում մահվանից հետո

 Գիտնականները պարզել են, թե մարդիկ ինչ են զգում մահվանից հետո
Մահվանից հետո մարդիկ գիտակցում են, որ մահացել են եւ հասկանում են, թե ինչ է տեղի ունենում շուրջը: Այդ մասին հայտարարել են Նյու Յորքի համալսարանին կից Langone բժշկական դպրոցի (NYU Langone School of Medicine) գիտնականները:
Հետազոտողների խոսքը փոխանցել է LiveScience ինտերնետ-հրատարակությունը: Բժիշկները մահը որոշում են սրտի կանգի պահով. արյունը դադարում է ստացվել ուղեղում, ինչը հանգեցնում է դրա աշխատանքի գրեթե վայրկենական դադարեցման:
Վերջին հաշվով ուղեղի բջիջներն սկսում են մահանալ, բայց դրա համար կարող է մի քանի ժամ պահանջվել կլինիկական մահվանից հետո, կարծում է հետազոտության ղեկավար Սեմ Փարինան:
Նաեւ, ինչպես հաղորդվում է, մարդու գիտակցությունն անմիջապես չի անջատվում սրտի բաբախումը դադարելուց հետո: Մարդիկ «մահվան առաջին փուլում» կարող են դեռ գիտակցության ինչ-որ նշաններ դրսեւորել: Դրա էական ապացույցն այն դեպքերն են, երբ սրտի կանգ ապրած մարդիկ կարողացել են մանրամասնորեն նկարագրել, թե ինչ է տեղի ունեցել շուրջը կլինիկական մահվանից հետո:
«Նրանք կարող են պատմել, որ իրենք տեսել են բժիշկներին եւ բուժքույրերին աշխատելիս եւ լսել են նրանց խոսակցությունները. փաստեր, որոնք նրանք այլապես չէին կարող իմանալ»,- նշել է Փարինան:
Ինչպես հայտարարել է հետազոտողը, այդ հիշողությունները հաստատել են նաեւ բժիշկները՝ զարմանալով այն բանից, որ իրենց հիվանդները, որոնք, ըստ էության մահացած են եղել, հիշել են այդ բոլոր մանրամասները, հաղորդել է ՌԻԱ Նովոստին:

Մեկնաբանություններ


Համընկնող լուրեր