Ռուսական բանակը կստեղծի ռադարների անտեսանելի «Դրել» ավիառումբ, որը թույլ կտա հարվածել օբյեկտներին՝ առանց ներթափանցելու պաշտպանության միջոցների գոտի          Բա ասում էիք՝ երկաթգիծ, բա ասում էիք՝ ճանապարհ բացել...մինչդեռ հաջորդ մասշտաբային զորավարժությունը տեղի է ունենալու Նախիջևանում       Տեսանյութ.Ռոբերտ Քոչարյանի, ՀՅԴ-ի և «Վերածնվող Հայաստանի» հավաքը՝ Ազատության հրապարակում    

09 հուն 2018 16:45

ԱՊՊԱ գործակալները նորից փակել են Բագրատաշենի մաքսակետ տանող ճանապարհը

 ԱՊՊԱ գործակալները նորից փակել են Բագրատաշենի մաքսակետ տանող ճանապարհը
Ավտոմեքենաների ապահովագրությամբ զբաղվող մոտ 60 գործակալներ այսօր՝ հունվարի 9-ին, կրկին փակել են Բագրատաշենի մաքսակետ տանող ավտոճանապարհը, հաղորդում է «Ազատությունը»:
Ցուցարարները բողոքում են ավտոմեքենաների ապահովագրության ոլորտում ստեղծված անհավասար մրցակցային պայմաններից։ Նրանք նշել են, որ «Թոփ-Սփին» ընկերությունը մաքսատան տարածքում աշխատելու իրավունք է ստացել, և ապահովագրություն իրականացնելու ամբողջ հնարավորությունը հենց այդ ընկերությանն է ընձեռվել։
Ակցիայի մասնակիցների խոսքով՝ եթե իրենք նախկինում օրական մոտ 10 հազար դրամի ապահովագրություն իրականացնելու հնարավորություն են ունեցել, ապա այսօր անգամ 1000 դրամի չեն կարողանում հասցնել իրենց օրվա եկամուտը։
Ցուցարարները նշեցին, որ իրենք նամակով դիմել են թե՛ վարչապետ Կարեն Կարապետյանին, թե՛ Պետական եկամուտների կոմիտեի նախագահ Վարդան Հարությունյանին։ Ըստ ակցիայի մասնակիցների, նամակին կպատասխանեն երկօրյա ժամկետում։ Այսօր նրանք պահանջում են մինչև պատասխանը դադարեցնել «Թոփ-Սփին»-ի գործունեությունը։
Նոյեմբերյանի ոստիկանության բաժնի պետ Արմեն Անտոնյանը քիչ առաջ հանդիպել է ցուցարարների հետ, լսեց նրանց պահանջները, հորդորել բացել ճանապարհն ու գնաց հանդիպման մաքսատան պատասխանատուների հետ։

Մեկնաբանություններ

Համընկնող լուրեր