Ռուսական Սու-35Ս կործանիչները սկսել են վերատեղակայումը Բելառուսում          Եթե հայերն ապրում են Ադրբեջանում, ապա ադրբեջանցիները ևս կկարողանան նախկինի պես ապրել Հայաստանում.Շաֆիև       Տեսանյութ.Խոշոր հրդեհ Բաքվում. ռուսական դեսպանատան մոտ շենք է այրվում    

28 հուն 2021 14:02

Բաքվում սկսվում են «Մուստաֆա Քեմալ Աթաթուրքը - 2021» ադրբեջանա-թուրքական զորավարժությունները

Հունիսի 28-ին Բաքվում մեկնարկել են ադրբեջանա-թուրքական «Մուստաֆա Քեմալ Աթաթուրքը-2021» համատեղ զորավարժությունները: Այդ մասին Ադրբեջանի Պաշտպանության նախարարության տարածած լուրը ներկայացրել է «Գազետա ռու»-ն:

«Ադրբեջանի և Թուրքիայի զինծառայողների զորավարժությունների հիմնական նպատակը ռազմական գործողությունների ընթացքում երկու երկրների բանակների ստորաբաժանումների փոխգործակցության բարելավումն է, զորքերի հրամանատարների հմտությունների զարգացումը ռազմական որոշումներ կայացնելու և ստորաբաժանումներ ղեկավարելու հարցում»,- ասված է նախարարության տարածած հաղորդագրության մեջ:

Զորավարժությունները կտևեն մինչև հունիսի 30-ը: Դրանցում ներգրավված են 600 զինծառայող, 40 տանկ և այլ զրահամեքենա, 20 հրետանի, տարբեր տրամաչափի ականանետեր, 7 մարտական և տրանսպորտային ուղղաթիռ, 3 անօդաչու սարք, մոտ 50 մեքենա:

Այս տարվա փետրվարին Թուրքիայի տարածքում գտնվող Կարս նահանգում անցկացվել է թուրք-ադրբեջանական մեկ այլ զորավարժություն: Դրանում ներգրավված էին մոտոհրաձգային և տանկային ստորաբաժանումներ և զորամիավորումներ, հրթիռային զորքեր և հրետանի, օդուժ, հատուկ նշանակության ջոկատներ:

Ավելի վաղ Թուրքիայի նախագահ Ռեջեփ Էրդողանը, Շուշի կատարած այցի ժամանակ, ասել էր, որ շուտով Ադրբեջանում կարող է հայտնվել թուրքական ռազմաբազա:

Մեկնաբանություններ

Համընկնող լուրեր