Առողջապահություն - Հայացք լրատվական վերլուծական կենտրոն https://hayacq.com/ ru Առողջապահություն - Հայացք լրատվական վերլուծական կենտրոն Հայաստանում մի շարք ծառայություններ ամբողջ բնակչության համար պետպատվերով են. որոնք են դրանք https://hayacq.com/79041--.html https://hayacq.com/79041--.html Հայաստանում մի շարք ծառայություններ ամբողջ բնակչության համար իրականացվում են պետական պատվերի շրջանակում։




 Առողջապահության նախարարության փոխանցմամբ՝ այդ ծառայություններն են՝ 
Սրտի անհետաձգելի վիրահատություններ (Stentforlife)
Գլխուղեղի սուր իշեմիկ և ենթասուրիշեմիկ կաթվածների բուժում
Տուբերկուլոզի բուժում
Հոգեկան և նարկոլոգիական հիվանդությունների բուժում
Աղիքային և այլ ինֆեկցիոն հիվանդությունների բուժում
Emergency ծառայություններ
Հեմոդիալիզի ծառայություններ
Ախտորոշված չարորակ նորագոյացությունների վիրահատական ու ճառագայթային բուժում
Պալիատիվ բուժօգնություն
Ծննդօգնություն
Մինչև 18տարեկանների բուժօգնություն
Վերակենդանացման միջոցառումներ պահանջող ծառայություններ
]]> larisa2018 Fri, 19 Apr 2024 14:28:00 +0400 Արթնանալուց հետո ձեռքերի և ոտքերի թմրելը կարող են լուրջ հիվանդության ազդանշան լինել https://hayacq.com/79008--.html https://hayacq.com/79008--.html Արթնանալուց հետո ձեռքերի և ոտքերի թմրելը հետևանք է քնելու անհարմար դիրքի, բայց կարող է բացատրվել նաև մի շարք հիվանդություններով, մասնավորապես՝ վերին վերջույթի անոթների աթերոսկլերոզով։ Այս մասին հայտնել է բժիշկ Անաստասիա Տիմոշենկոն։


«Մյուս պատճառը կարպալ թունելի համախտանիշն է, որտեղ միջնակ նյարդը սեղմվում է դաստակի մոտ: Սա կոչվում է դաստակային թունելի համախտանիշը կամ կարպալ թունելի սինդրոմը։ Նյարդերի հաղորդիչ ֆունկցիայի ֆունկցիոնալ հետազոտությունը թույլ է տալիս հաստատել այս վիճակը»,- ​​ասել է թերապևտը։


Տիմոշենկոն հավելել է, որ վերջույթների թմրությունից ամենօրյա անհանգստությունը պահանջում է նյարդաբանի միջամտություն։ Որոշ դեպքերում առավոտյան ոտքերի շարժունակության կորուստը կամ նվազումը վկայում է դիաբետիկ պոլինևրոպաթիայի մասին:


«Այն ավելի հաճախ դրսևորվում է ոտքերում, քան ձեռքերում, խրոնիկական թունավորման ֆոնի վրա ալկոհոլային նյարդաբանությունը նույնպես հաճախ մտահոգիչ դրսևորում է ոտքերում: Բացի նյարդաբանական հիվանդություններից, բավականին հաճախ թմրածության պատճառ կարող են լինել անոթային խանգարումները, վերացնող աթերոսկլերոզը կամ երակների վարիկոզը»,- հավելել է Անաստասիա Տիմոշչենկոն։


Նա պարզաբանել է, որ ոտքերի նման խնդիրներ կարող են առաջանալ վիտամին B12-ի պակասի պատճառով։
]]> larisa2018 Wed, 17 Apr 2024 15:27:34 +0400 Ականջներում աղմուկը կարող է լինել մահացու հիվանդությունների նշան https://hayacq.com/78949--.html https://hayacq.com/78949--.html Ականջներում աղմուկը կարող է լինել մահացու հիվանդությունների նշան, ինչպիսիք են՝ ուղեղի ուռուցքը կամ լսողական նյարդի բորբոքումը, ըստ shantnews-ի՝  ասել է բժիշկ Իլյա Գանչուկը։ Lenta.ru-ի հետ զրույցում մասնագետը նշել է այլ հիվանդություններ, որոնք կարող են ականջներում խշշոց առաջացնել։


Խշշոցը, մասնագետի խոսքով, կարող է առաջանալ ականջի հիվանդությունների (բորբոքում, օտոսկլերոզ), անոթային հիվանդությունների, գլխուղեղի ուռուցքի, միգրենի, գանգի վնասվածքների, էնդոկրին և նյութափոխանակության խանգարումների դեպքում:


Բժիշկը նաև նշել է, որ ականջներում աղմուկ կարող է առաջանալ սթրեսի, տագնապային խանգարումների և դեպրեսիայի դեպքում:


Իսկ տարեց մարդկանց մոտ դա կարող է լինել ծերացման բնական նշան՝ տարիքային լսողության կորուստ կամ պրեսբիկուզիա:
]]> larisa2018 Sat, 13 Apr 2024 15:00:00 +0400 ՀՀ-ում կարողացել են փրկել 2 տարեկան երեխային. կատարվել է հազվադեպ հանդիպող բարորակ բնածին ուռուցքի վիրահատություն https://hayacq.com/78873--2-.html https://hayacq.com/78873--2-.html «Մուրացան» համալսարանական հիվանդանոցում կատարվել է բարդ վիրահատական միջամտություն՝ Մանկական վիրաբուժության կլինիկայի ղեկավար, ԵՊԲՀ մանկական վիրաբուժության ամբիոնի դոցենտ Նիկոլայ Դալլաքյանի ղեկավարությամբ:


Հիվանդանոցից հայտնում են, որ կլինիկա դիմած 2 տարեկան երեխան ունեցել է հետևյալ գանգատները՝ որովայնի ցավ, փսխում, ջերմություն:


Կատարված հետազոտությունների ժամանակ երեխայի մոտ որովայնի խոռոչում հայտնաբերվել է կիստոզ գոյացություն 8*6 սմ չափի:


Կատարվել է վիրահատություն՝ հեռացնելով մանկական հասակում բավականին հազվադեպ հանդիպող բարորակ բնածին ուռուցք՝ միջընդերքի լիմֆանգոմիա:


«Մասնագետներն իրականացրել են ստորին միջային որովայնահատում, բարակ աղու մասնատում՝ գոյացության հեռացում, բարակ աղու բերանակցում ծայրը ծայրին: Հետվիրահատական ընթացքն անցել է հարթ, երեխան դուրս է գրվել լավացումով»,-հայտնում են հիվանդանոցից։
]]> larisa2018 Tue, 09 Apr 2024 13:07:23 +0400 Նախազգուշացրել են հազվադեպ բակտերիալ հիվանդության դեպքերի աճի մասին, որը կարող է մենինգիտ առաջացնել https://hayacq.com/78733--.html https://hayacq.com/78733--.html ԱՄՆ առողջապահության ոլորտի ներկայացուցիչները նախազգուշացրել են հազվադեպ բակտերիալ հիվանդության դեպքերի աճի մասին, որը կարող է մենինգիտ առաջացնել։


ԱՄՆ հիվանդությունների վերահսկման եւ կանխարգելման կետրոնները (CDC) տեղեկացրել են, որ 2023թ. գրանցվել է ինվազիվ մենինգակոկային հիվանդության տեսակներից մեկի 422 դեպք, ինչն ամենաբարձր ցուցանիշն է 2014-ից ի վեր։


Այս տարի արդեն գրանցվել է հիվանդության 143 դեպք, իսկ դա նշանակում է, որ վարակման դեպքերի թիվը 2024թ., ամենայն հավանականությամբ, կգերազանցի 2023թ., ավելացրել են կենտրոնում։


Դեպքերի մեծ մասն անցած տարի չի ուղեկցվել մենինգիտով, չնայած 17 պացիենտ մահացել է։ Վարակներն ավելի հաճախ հանդիպել են 30-60 տարեկանների, ինչպես նաեւ ՄԻԱՎ ունեցող սեւամորթների շրջանում, նշվել է զեկույցում։


CDC-ի նախազգուշացումը հայտնվել է այն բանից հետո, երբ 2022թ. Վիրջինիայի նահանգի առողջապահության վարչությունը նախազգուշացրեց այդ հազվադեպ վարակի հետ կապված հիվանդությունների դեպքերի աճի մասին։ Այդ հիվանդությունը կարող է առաջացնել մենինգիտ՝ գլխուղեղի եւ ոսկրածուծի վտանգավոր բորբոքում։ Ախտանշանները կարող են ներառել տենդ, գլխացավ, պարանոցի ռիգիդություն, սրտխառնոց, փսխում, նշվել է CDC-ի հաղորդման մեջ։ Մանրէն կարող է նաեւ առաջացնել արյան վարակ այնպիսի ախտանշաններով, ինչպիսին են դողը, հոգնածությունը, սառը ձեռքերը եւ ոտքերը, հաճախակիացած շնչառությունը, լուծը կամ մուգ մանուշակագույն ցանը ավելի ուշ փուլերում։


Չնայած հակաբիոտիկները կարող են ճնշել վարակը, արագ բուժումը վճռական նշանակություն ունի, ասում են CDC-ում։ Ըստ գնահատականների՝ վարակվածների 10-15 տոկոսը մահանում է, իսկ ողջ մնացածները երբեմն տառապում են խլությամբ կամ վերջույթների անդամահատմամբ։


Բարեբախտաբար, կան պատվաստանյութներ, որոնք պաշտպանում են մենինգակոկային վարակից։


CDC-ն խորհուրդ է տալիս բոլոր երեխաներին մինչեւ դպրոց գնալը կոնյուգացված մենինգակոկային պատվաստում անել, որը պաշտպանում է աճող շտամից։ Քանի որ պաշտպանությունը պատվաստանյութից թուլանում է, CDC-ն նաեւ խորհուրդ է տալիս կատարել վերապատվաստում 16 տարեկանում։ Արժե, որ պատվաստվեն նաեւ այն մարդիկ, որոնք ենթակա են բարձր ռիսկի, նրանց, ովքեր ապրում են հիվանդությունների բռնկման գոտիներում, ինչպես նաեւ ՄԻԱՎ ունեցողներին կամ այլ հիվանդություններով տառապողներին, որոնց իմունիտետը թուլացած է։
]]> larisa2018 Mon, 01 Apr 2024 13:20:08 +0400 Ասպիրինի անվերահսկելի ընդունումը մահացու վտանգավոր է մանավանդ երեխաների համար https://hayacq.com/78716--.html https://hayacq.com/78716--.html Սրտաբան Ազիզխոն Ասկարովը խոսել է ամենահայտնի և ուսումնասիրված դեղամիջոցներից մեկի՝ ասպիրինի անվերահսկելի ընդունման մասին, որը, բժշկի համոզմամբ, մահացու վտանգավոր է: Բժիշկը նշել է, որ երեխաներին և հղիներին խստիվ արգելվում է ացետիլսալիցիլաթթու ընդունել։


Բժշկական գիտությունների թեկնածուն հիշեցրել է, որ ասպիրինը նշանակվում է որպես ջերմիջեցնող, արյունը նոսրացնող, հակաբորբոքային միջոց։


Նա ուշադրություն է հրավիրել այն փաստի վրա, որ ացետիլսալիցիլաթթուն, որն առկա է յուրաքանչյուր ընտանիքի դեղատուփում, կարելի է ընդունել միայն երեքից հինգ օր, և միայն միջին չափաբաժիններով՝ օրական 500-1000 միլիգրամ, հակառակ դեպքում կարող եք լրջորեն վնասել ձեր առողջությունը, զգուշացրել է  բժիշկը:


«Ցանկացած հիվանդության բուժման հիմնական սկզբունքը կլինիկական ախտորոշմամբ հիվանդի բուժումն է՝ հաշվի առնելով օրգանիզմի առանձնահատկությունները՝ տարիքը, քաշը, ներքին օրգանների ֆունկցիաները»։


Ազիզխոն Ասկարովն ասել է, որ ասպիրինը նշանակվում է սրտի և ուղեղի իշեմիկ հիվանդության, վերջույթների անոթների աթերոսկլերոզի, աորտայի անևրիզմայի, անոթային բարդություններով շաքարային դիաբետի, ներքին օրգանների, մկանների և հոդերի բորբոքային հիվանդությունների դեպքում։


Ացետիլսալիցիլաթթուն, ըստ բժշկի, օգնում է նաև ծխելու դեմ պայքարում, աղիների, միզասեռական համակարգի, ստամոքսի ինֆեկցիաների բուժման ժամանակ։


Սրտաբանը խորհուրդ է տվել հրաժարվել ասպիրինով երկարատև ինքնաբուժությունից, քանի որ դեղամիջոցն ունի լուրջ կողմնակի ազդեցություններ։ Դրանցից են սակավարյունությունը (հեմատոպոեզի արգելակման պատճառով), ստամոքսի և աղիների էրոզիայի և խոցերի առաջացումը, երիկամների աշխատանքի խանգարումը։




Փորձագետը մասնավորապես նշել է, որ ասպիրինը խստիվ արգելված է հղիներին և մինչև 12 տարեկան երեխաներին։ Երիտասարդ հիվանդների մոտ դեղը կարող է առաջացնել Ռեյեի համախտանիշի զարգացում:


Ազիզխոն Ասկարովը խորհուրդ է տվել ազնվամորի ուտել որպես «բնական ասպիրին», այն, բժշկի  խոսքով, հաջողությամբ լրացնում է շնչառական համակարգի բորբոքային հիվանդությունների բուժումը։
]]> larisa2018 Sat, 30 Mar 2024 15:05:11 +0400 Անբուժելի քաղցկեղի դեմ պայքարի միջոց է առաջարկվել,ովքեր ունեն կրծքագեղձի եռակի բացասական քաղցկեղի ամենավատ ձևը https://hayacq.com/78674--.html https://hayacq.com/78674--.html Գիտնականներն առաջարկել են կրծքագեղձի ագրեսիվ և դժվար բուժվող քաղցկեղի դեմ պայքարի նոր միջոց։ Հետազոտության արդյունքները հրապարակվել են Science Translational Medicine ամսագրում:


Հետազոտության հիմքում ընկած է այն միտքը, որ կրծքագեղձի եռակի բացասական ուռուցքների կողմից արտադրվող նյութերը կարող են օգտագործվել նույն այդ ուռուցքների դեմ պայքարելու համար։ Փորձագետները վերլուծել են այս տեսակի քաղցկեղի մետաբոլոմիկան (մետաբոլիտների ամբողջությունը) և հայտնաբերել գուանոզին դիֆոսֆատ-մանոզա միացությունը՝ GDP-M, որը խանգարում է ԴՆԹ-ի վերականգնմանը:




GDP-M-ը նուկլեոտիդային շաքար է, որը հանդիսանում է մարդու նյութափոխանակության մեջ գլիկոզիլտրանսֆերազային ռեակցիաների սուբստրատ: Այն նաև արտադրվում է Escherichia coli-ի կողմից և կարող է սինթետիկ կերպով վերարտադրվել լաբորատորիայում:


Փորձերը ցույց են տվել, որ այս մետաբոլիտի օգտագործումը ուռուցքային բջիջներն ավելի խոցելի է դարձնում ԴՆԹ-ն վնասող դեղամիջոցների նկատմամբ:


Հեղինակների կարծիքով, GDP-M-ը շուտով կարող է հանգեցնել թերապիայի այն մարդկանց համար, ովքեր ունեն կրծքագեղձի եռակի բացասական քաղցկեղի ամենավատ ձևը:
]]> larisa2018 Thu, 28 Mar 2024 11:52:08 +0400 Առաջին անգամ հաջողությամբ խոզի երիկամ են փոխպատվաստել մարդուն https://hayacq.com/78579--.html https://hayacq.com/78579--.html Բոստոնի Մասաչուսեթսի գլխավոր հիվանդանոցի վիրաբույժները աշխարհում առաջին անգամ հաջողությամբ գենետիկորեն ձևափոխված խոզից երիկամ են փոխպատվաստել կենդանի մարդու: Այս մասին գրում է The Boston Globe-ը։


Մասաչուսեթս նահանգի Ուեյմութ քաղաքից 62-ամյա Ռիչարդ Սլեյմանը, ով տառապում էր երիկամների վերջին փուլի հիվանդությամբ, չորս ժամ շարունակ վիրահատվել էր։


Հիվանդանոցից հայտնել են, որ հիվանդն ապաքինվում է և շուտով դուրս կգրվի:


Ակնկալվում է, որ փոխպատվաստման ոլորտում այս բեկման շնորհիվ ապագայում օրգանների փոխարինման կարիք ունեցող հիվանդները կկարողանան դրանք ստանալ հատուկ բուծված գենետիկորեն ձևափոխված խոզերից։
]]> larisa2018 Fri, 22 Mar 2024 15:17:21 +0400 Ուռուցքաբանը նշել է մելանոմայի զարգացման բարձր ռիսկ ունեցող մարդկանց https://hayacq.com/78507--.html https://hayacq.com/78507--.html M-Clinic-ի գլխավոր ուռուցքաբան, բարձրագույն կարգի բժիշկ, բժշկական գիտությունների դոկտոր, պրոֆեսոր Ալեքսանդր Սերյակովը նշել է մելանոմայի զարգացման բարձր ռիսկ ունեցողներին։ Փորձագետի խոսքերը, ըստ shantnews-ի՝ մեջբերում է «Известия»-ն։




Մասնագետի խոսքով՝ մելանոմային բաժին է ընկնում մաշկի չարորակ ուռուցքների չորս տոկոսը, սակայն այս ուռուցքը դրանցից ամենավտանգավորն է։ Ըստ վիճակագրության՝ Ռուսաստանում տարեկան հայտնաբերվում է մելանոմայի մոտ 11.000 դեպք, և մոտ 4000 մարդ մահանում է այս հիվանդությունից։


Միևնույն ժամանակ, մելանոմայի զարգացման ճշգրիտ պատճառը մինչ օրս չի հաստատվել, սակայն հայտնի է, որ արևի կամ սոլյարիի ուլտրամանուշակագույն ճառագայթման ազդեցությունը զգալիորեն մեծացնում է ռիսկերը։




Զարգացման այլ գործոններ ներառում են գենետիկ նախատրամադրվածությունը, բազմաթիվ խալերի առկայությունը և որոշակի ֆենոտիպին պատկանելը` բաց մաշկ, կարմիր մազեր, պեպեններ, կապույտ և կանաչ աչքեր:


]]> larisa2018 Mon, 18 Mar 2024 15:12:16 +0400 Որոնք են գլխուղեղի կաթվածի ախտանշաններն ու ինչ է հարկավոր անել դրանց առկայության դեպքում https://hayacq.com/78349--.html https://hayacq.com/78349--.html Որոնք են գլխուղեղի կաթվածի ախտանշաններն ու ինչ է հարկավոր անել դրանց առկայության դեպքումԿաթվածն ուղեղի արյան շրջանառության սուր խանգարում է։ Այն աշխարհում մահվան և հաշմանդամության հանգեցնող հիմնական պատճառներից է:
Շատ կարևոր է ճանաչել կաթվածի նշաններն ու հնարավորինս արագ դիմել շտապօգնության ծառայությանը կամ համապատասխան բժշկական կազմակերպություն` բժշկական օգնությունն ու սպասարկումն արագ կազմակերպելու համար:


Գոյություն ունեն գլխուղեղի կաթվածի մասին հուշող ախտանշաններ, որոնց առկայության դեպքում հարկավոր է անհապաղ միջոցներ ձեռնարկել։ Դրանց թվում առավոլ տարածվածներն են հանկարծակի առաջացած դեմքի ծռվածությունը, ձեռքի թուլությունը (երբ բարձրացնում ես տուժածի երկու ձեռքերը ու բաց ես թողնում, մի ձեռքը ընկնում է) և ոչ նորմալ, դժվարացած, անհասկանալի խոսքը։


Միջազգային մի շարք ասոցիացիաների և հայտնի կլինիկաների կողմից առաջարկվել է օգտագործել FAST (face, arms, speech, time) մնեմոնիկը, որը կօգնի արագ կողմնորոշվել և ճիշտ գործել նման իրավիճակներում։


Ախտորոշման այս մեխանիզմն է առաջարկում նաև ՀՀ առողջապահության նախարարությունը։ Այն ենթադրում է, որ եթե հիվանդի մոտ նկատվում է դեմքի մի կողմի թուլություն կամ անզգայացում (face), մի ձեռքի թուլություն կամ անզգայացում (arms), խոսքի անհստակություն (speech), ապա հարկավոր է անհապաղ դիմել շտապ բուժօգնության (time): Ընդ որում՝ նշված ախտանիշներից անգամ մեկի առկայությունն արդեն իսկ խոսում է շտապօգնություն կանչելու անհրաժեշտության մասին։
]]> larisa2018 Fri, 08 Mar 2024 13:25:48 +0400