Մխիթարյանը` Եվրոպա լիգայի եզրափակչի լավագույն ֆուտբոլիստ
ՈւԵՖԱ-ի պաշտոնական կայքը հրապարակել է Եվրոպա լիգայի 2016/17թթ. մրցաշրջանի խաղարկության եզրափակչի լավագույն ֆուտբոլիստի անունը:
Երկրպագուների միջև անցկացված հարցման արդյունքում հաղթող է ճանաչվել «Մանչեսթեր Յունայթեդի» և Հայաստանի ազգային հավաքականի կիսապաշտպան Հենրիխ Մխիթարյանը, ով ստացել է քվեարկողների ձայների 42 %-ը:
Երկրորդ տեղում «կարմիր սատանաների» կիսապաշտպան Պոլ Պոգբան է` 34 %-ով: Լավագույն եռյակը 11 %-ով եզրափակում է Անդեր Էրերան:
