Տեսանյութ.Քողարկված կոռուպցիոն սխեմա, ինչու է Կադաստրի կոմիտեն խոչընդոտում Համահայկական կոնգրես կոնսորցիումի սոցիալական նախագծերը
«Հայացք» մամուլի ակումբում Համահայկական կոնգրես բարեգործական հասարակական կազմակերպության նախագահ Արմեն Բադալյանը և Ամերիկյան էկոավանների կառուցապատման ծրագրի Հայաստանյան նախագծերի ղեկավար Դավիթ Պետրոսյանը ներկայացրեցին Կադաստրի կոմիտեի ստեղծած խոչընդոտները՝ Համահայկական կոնգրես կոնսորցիումի կողմից իրականացվող սոցիալական նախագծերին:Արմեն Բադալյանն իր խոսքում նշեց, որ խնդիրը քողարկված կոռուպցիոն սխեմա է պարունակում. «Երբ ասում են կոռուպցիա չկա Հայաստանում, ոչ, կա՛ կոռուպցիա՝ պարզապես բարդացել է գործընթացը և թվաբանությունը: Մենք պայքարում ենք այս արատավոր երևույթի դեմ: Ոչ մի պաշտոնյա, ոչ մի գերատեսչություն չպետք է ակնկալի, որ իր «ոսկե ստորագրությունը» դնելու համար պետք է ինչ որ մեկը իրեն կաշառք տա»:
Դավիթ Պետրոսյանն էլ ասաց, որ սկզբում կարծել են, որ խնդիրը ավելի շատ անտեղյակության, չիմացության արդյունք է, սակայն որոշ քայլերից հետո պարզ է դարձել, որ կա հստակ մտադրություն, նպատակներ և ակնկալիքներ:
Ամբողջական ասուլիսը՝ Hayacq.com-ի տեսանյութում
