«Պուտինը մտադիր է ջախջախել ԱՄՆ-ը». Քլինթոն
Ռուսաստանի Դաշնության նախագահ Վլադիմիր Պուտինը մտադիր է «ջախջախել ԱՄՆ-ը»:
Այս մասին Variety-ին հարցազրույցի ժամանակ ասել է Միացյալ Նահանգների նախկին պետքարտուղար Հիլարի Քլինթոնը: Քլինթոնի խոսքով` պետք է դասեր քաղել վերջին նախագահական արշավից: «Ապատեղեկատվության արշավը, որը վարում էր Ռուսաստանը, նվազեցրել է ընտրություններում իմ հաղթելու շանսերը: Դա նրան հաջողվեց սոցիալական ցանցերի միջոցով, որոնք ի զորու չէին պայքարելու «մտացածին նորությունների» դեմ: Քլինթոնը նշել է, որ պատմության մեջ առաջին անգամ «տեխնիկական հեղափոխությունն օգտագործվեց որպես քաղաքական զենք»: «Շատ կարևոր է, որ տեխնոլոգիաների և բիզնեսի ոլորտի ներկայացուցիչները գիտակցեն, որ Պուտինը ցանկանում է ջախջախել մեզ: Նա Պետանվտանգության կոմիտեի հին գործակալն է»,- հավելել է նա:
