Գիտնականները հայտնել են «երիտասարդացման նոր էլիքսիրի» մասին
Ամերիկացի գիտնականները հայտնել են կյանքի տեւողության մեծացման հեռանկարային մեթոդի մասին, որն ապագայում կօգտագործվի: Հետազոտությունը հրապարակվել է Cell ամսագրում:
Գիտնականների խոսքով՝ մարդիկ կկարողանան աղիքային բակտերիաներից ստացված սննդային հավելումներ ընդունել: Մասնագետների հետազոտության համաձայն՝ արդեն այսօր գոյություն ունեն միկրոօրգանիզմների շտամներ, որոնք նպաստում են քաղցկեղային ուռուցքների աճի եւ բետա ամիլոիդների (միացություններ, որոնք կապված են Ալցհեյմերի հիվանդության առաջացման հետ) կուտակման դանդաղմանը:
Գիտնականները համանման եզրակացության են հանգել՝ ազատ շարժվող կլոր որդերի (Caenorhabditis elegans) վրա կատարած փորձերով. պարզագույն օրգանիզմ, որը մոդելավորում է մարդու ծերանալը: Որդերի օրգանիզմում աղիքային ցուպիկ է պարունակվում, եւ գիտնականները հետեւել են այս բակտերիայի մոտ 4 հազար գեների ակտիվությանը: Դրանցից 29-ի հեռացումը մեծացրել է կլոր որդերի կյանքի տեւողությունը, իսկ 12-ի ակտիվացումը կապված է եղել քաղցկեղային ուռուցքների աճի դանդաղման եւ բետա ամիլոիդների կուտակման կանխման հետ:
Հետազոտողները ենթադրում են, որ այս արդյունքների վրա հիմնվելով՝ ապագայում հնարավոր է ծերացման պրոցեսը դանդաղեցնող բակտերիալ դեղամիջոցների մշակումը:
