Պայմանագրային զինծառայողների աշխատավարձերը չեն բարձրանա. Վիգեն Սարգսյան

 

«Մենք հիմա երկու առանցքային կարեւորության օրենքների վրա ենք աշխատում, այսօր դրանք Անվտանգության խորհրդին է ներկայացվել, վաղը կառավարություն կներկայացվի: Այդ նախագծերից մեկը մանրամասն անդրադառնում է սոցիալական ապահովության խնդիրնեերին: Աշխատավարձը ֆիքսվում է բյուջետային հատկացումների շրջանակում, կարեւոր գործոռույթ ունենք` բալանսավորելու մեր սպաների, զինծառայողների նկատմամբ պարտավորությունները, մեր զինված ուժերի սպառազինության եւ արդիականացման հետ կապված: Այս տարի չեմ ակնկալում աշխատավարձերի բարձարցում»,-ասաց նախարարը:
Վիգեն Սարգսյանը նաեւ նշեց, որ շրջանառվող տեղեկությունները, թե սպաներին պարտադրվում է նոր պայմանագիր կնքել, իրականությանը չեն համապատասխանում. «Մենք որեւէ անգամ սպաներին չենք պարտադրել պայմանագիր կնքել, ուղղակի հաշվի առնելով, որ հաշվարկման կարգը փոխվել է, հստակություն մտցնելու համար իրավաբանական վարչությունը նրանց առաջարկել է վերանայել պայմանագրերը` մի մասը վերանայել է, մի մասը` ոչ: Չվերանայողներին որեւէ բան չի սպառնում»: