Ինչ հիվանդություններ է բուժում մարմելադը
Բրիտանացի գիտնականները թարմացրել են այն մթերքների ցանկը, որոնք բուժիչ հատկություններ ունեն և որպես որոշ հիվանդությունների կանխարգելիչ միջոց են հանդիսանում: Ցանկը կուրախացնի քաղցրասերներին, քանի որ այստեղ հայտնվել է մարմելադը:
Գիտնականները պարզել են, որ մարմելադը և մրգային ու հատապտուղային դոնդողները, որոնք պարունակում են պեկտին, օրգանիզմից դուրս են բերում ծանր մետաղները, հատկապես կապարը:
Մարմելադը պարունակում է նաև մեծ քանակությամբ հակաքաղցկեղային պեկտին և հակաօքսիդանտներ: Այս օգտակար և համեղ քաղցրավենիքը օրգանիզմից դուրս է բերում խոլեստերինը և թունավոր նյութերը, ինչպես նաև այն պաշտպանում է իոնացնող ճառագայթումից, կարգավորում է աղիքային միկրոֆլորան, կանխում դիսբակտերիոզի առաջացումը:
Եթե համեմատենք մարմելադի և շոկոլադի կալորիականությունը, ապա շոկոլադը պարունակում է 540 կիլոկալորիա, իսկ մարմելադը` 289:
