Հայտնի են երեք փոխվարչապետները. Ով ինչով է զբաղվելու

Նոր Սահմանադրությամբ 2018-ի ապրիլից Հայաստանի կառավարությունն ունենալու է երեք փոխվարչապետ:
Ինչպես հայտնի է, ապրիլի 9-ից եւ նախագահի լիազորությունների ավարտից հետո Սերժ Սարգսյանը կզբաղեցնի վարչապետի պաշտոնը, որ նոր մոդելի պարագայում երկրի փաստացի ղեկավարի պաշտոնն է։

Մեզ հայտնի է դարձել, որ հաստատվել է փոխվարչապետների հետեւյալ կոնֆիգուրացիան՝ Կարեն Կարապետյան, Արմեն Գևորգյան, Վաչե Գաբրիելյան:
Փոխվարչապետները ունենալու են տարբեր լիազորություններ, նրանց հանձնարարվելու է համակարգել տարբեր ոլորտներ:

 

Արմեն Գևորգյանը համակարգելու է տարածքային կառավարման, սոցիալական, կրթության և առողջապահության ոլորտները, Վաչե Գաբրիելյանը՝ ֆինանսական և միջազգային տնտեսական ինտեգրման ու բարեփոխումների, իսկ Կարեն Կարապետյանը մնացած ոլորտները, մասնավորապես տնտեսական բլոկը: