Երեւանում բենզինն ու դիզվառելիքն ավելի շատ են թանկացել, քան Մոսկվայում. Նիկոլ Փաշինյան
«Ելք» դաշինքն ուսումնասիել է Երեւանում եւ Մոսկվայում 2017-2018 թվականներին բենզինի գները եւ պարզել, որ Մոսկվայում բենզինը թանկացել է 7,7 տոկոսով, իսկ Երեւանում՝ 32,3 տոկոսով: Այս մասին փետրվարի 15-ին ԱԺ տնտեսական հարցերով մշտական հանձնաժողովի նիստում Հարկային օրենսգրքում փոփոխություններ կատարելու մասին «Ելք» դաշինքի օրինագծի քննարկման ժամանակ ասաց խմբակցության ղեկավար Նիկոլ Փաշինյանը:Ընդդիմադիր պատգամավորը հնարավոր համարեց, որ գնաճի վրա կարող էր ազդել ակցիզային հարկի մեծացումը, սակայն կարծում է, որ նման զգալի մեծացում անհնար է նունիսկ հաշվի առնելով այս գործոնը: «Ակնհայտ է, որ այստեղ ինչ-որ մանիպուլյացիաներ են կատարվում, եւ եթե մենք սկսենք ուսումնասիրել, թե ինչ կերպ է իրականացվում Հայաստան բենզինի ներմուծումը, ապա դրանում անմիջապես կհամոզվենք»,- ընդգծեց ընդդիմադիր խմբակցության ղեկավարը:
Նա նաեւ նշեց, որ Հայաստանում ընկերություն է հայտնվել, որն այս շուկան մենաշնորհել է եւ թույլ չի տալիս հանրապետություն բենզին ներմուծել, ինչի մասին մամուլում բազմիցս հիշատակվել է: Ընդդիմադիրը հավելեց, որ Մոսկվայում դիզվառելիքը թանկացել է 7,9 տոկոսով, իսկ Հայաստանում 39,4 տոկոսով:
Հարկ է նշել, որ այս հարցը կքննարկվի փետրվարի 16-ին ԱԺ արտահերթ նիստում:
