Աշտարակում կոյուղաջրի մեջ հայտնաբերված պտղի մոր ինքնությունը պարզվել է
Ոստիկանության ծառայողները պարզել են Աշտարակում կոյուղաջրի մեջ հայտնաբերված մարկային պտղի մոր ինքնությունը:Այս մասին Tert.am-ի հետ զրույցում ասաց ՀՀ ոստիկանության ԶԼՄ-ների հետ կապի բաժնի պետ Էդգար Ջանոյանը, պատասխանելով հարցին, թե արդյոք պարզվե՞լ է պտղի մոր ինքնությունը:
Նշենք, որ այսօր՝ մարտի 12-ին հաղորդվել էր, որ Աշտարակ քաղաքում կոյուղու հորից դեռևս լիովին չձևավորված մարդկային պտուղ հայտնաբերելու մասին:
«Ոստիկանության ծառայողների ձեռնարկած օպերատիվ հետախուզական միջոցառումների արդյունքում պարզվել է պտղի կենսաբանական մոր ինքնությունը: Նա 1990-ին ծնված քաղաքացի է: Վերջինս հրավիրվել է ոստիկանություն և կատարվածի վերաբերյալ տվել բացատրություն»,-ասաց Ջանոյանը:
Ոստիկանությունից հայտնեցին, որ կատարվում է հետաքննություն:
Հիշեցնենք, որ ոստիկանությունն այսօր ժամը 11:15-ին՝ հաղորդում է ստացվել, որ Աշտարակի քաղաքի Կույրերի թաղամասի կոյուղու հորում հայտնաբերվել է նորածնի դի:
Մեկնած խումբը պարզել էր, որ հորում հայտնաբերվել է լիովին չձևավորված մարդկային պտուղ:
