Արմավիրում 22-ամյա երիտասարդի սպանության համար մեղադրանք է առաջադվել 18-ամյա երիտասարդին. մանրամասներ
Արմավիրի մարզում 22-ամյա երիտասարդի սպանության կասկածանքով ձերբակալված 1999թ. ծնված երիտասարդին մեղադրանք է առաջադրվել:«Փաստինֆո»-ն Քննչական կոմիտեից տեղեկացավ, որ երիտասարդին մեղադրանք է առաջադրվել ՀՀ քրեական օրենսգրքի 104-րդ հոդվածի 1-ին մասով և նրա նկատմամբ որպես խափանման միջոց է ընտրվել կալանավորումը:
Հիշեցնենք, որ 1996թ. ծնված Նարեկ Պողոսյանը մարտի 21-ին «կրծքավանդակի կտրած-ծակած թափանցող վերք» ախտորոշմամբ տեղափոխվել է «Արմավիր» ԲԿ, սակայն ժամեր անց այդպես էլ գիտակցության չգալով հիվանդանոցում մահացել է:
Ըստ տեղեկությունների՝ 18-ամյա երիտասարդին, մեղմ ասած, դուր չի եկել այն, որ 22-ամյա Նարեկ Պողոսյանը գյուղում մեծ արագությամբ է ավտոմեքենան վարում և այս հարցի շուրջ վիճաբանություն է ծագել, այդ ընթացքում էլ ըստ նախնական տվյալների՝ Ն.Պողոսյանը կրծքավանդակի և որովայնի շրջանում դանակի յոթ հարված է ստացել
