Արմեն Սարգսյանը հանդիպել է Լյուքսեմբուրգի արտաքին գործերի և եվրոպական հարցերի նախարարին

 

Հայաստանի Հանրապետության նորընտիր նախագահ Արմեն Սարգսյանն այսօր հանդիպում է ունեցել պաշտոնական այց մեր երկրում գտնվող Լյուքսեմբուրգի արտաքին գործերի և եվրոպական հարցերի նախարար Ժան Ասելբոռնի հետ։
Նախարար Ասելբորնը շնորհավորել է Արմեն Սարգսյանին` Հայաստանի Հանրապետության նախագահի պաշտոնում ընտրվելու առիթով և մաղթել հաջողություններ:
Նա վստահեցրել է իր երկրի շահագրգռությունը Հայաստանի հետ համակողմանի փոխգործակցության զարգացման գործում։
Զրուցակիցներն անդրադարձ են կատարվել Հայաստան-Եվրոպական միություն համագործակցությանը, որի համատեքստում կարևորել են Համապարփակ և ընդլայնված գործընկերության համաձայնագրի ստորագրմամբ ստեղծվող հնարավորությունները։ Խոսվել է նաև երկկողմ առևտրատնտեսական կապերի զարգացման վերաբերյալ, Արմեն Սարգսյանը Հայաստանի համար ուսանելի է համարել Լյուքսեմբուրգի մեծ փորձը բանկային, ֆինանսական և ապահովագրական ոլորտներում: