Բնապահպանության նախարար Արծվիկ Մինասյանի թաքնված ՓՀԷԿ-ն ու…
Երկու ամսից ավել ժամանակ է անցել, ինչ ՀՀ կառավարությունը որոշում է կայացրել բնապահպանական թողքի գնահատման վերաբերյալ ՀՀ 2011 թ-ի հունիսի 30-ի N 927-Ն որոշումը փոփոխելու և նոր նորմատիվներ սահմանելու վերաբերյալ,
սակայն հայտնի է դարձել, որ հենց նույն բնապահպանները ոլորտի ամենավերին էշելոնի մասնակցությամբ ՓՀԷԿ-ի (Փոքր ՀԷԿ) սեփականատիրոջ կարգավիճակ ունեն՝ միևնույն ժամանակ տեղակայելով
իրենց բիզնես-կառույցները ջրերով լի հարուստ տեղանքում: Բանն այն է, որ այդ որոշման համաձայն գետերի ջրերի էկոթողքի չափը ավելացվել էր՝ այն պարագայում, երբ գետերում ջրերի քանակը տարբեր պաշտոնական տվյալների համաձայն վերջին շրջանում գնալով նվազում է: Միաժամանակ այն սահմանափակում է ջրօգտագործողների հնարավորությունները, ըստ այդմ, սահմանելով գետերում ջրի 33.3% պարտադիր էկոթողք:
Փոխարենը հստակ երևում է, որ նույն բնապահպանները չեն զլանում և ՓՀԷԿ-եր են կառուցում կամ ձեռքբերում:
Hayacq.com-ի հավաստի տեղեկություններով
ՀՀ բնապահպանության նախարար Արծվիկ Մինասյանը, ըստ էության, պարզվում է Հեր-Հերի ջրամբարից ստորև գտնվող ամենաարդյունավետ գործող ՓՀԷԿ-երից մեկի սեփականատերն է:
Ստացվում է, տարբեր քայլեր է ձեռնարկվում, մրցակից ՓՀԷԿ-երին և այլ ջրօգտագործողներին, որոնք ջրերի խնդիր ունեն, ուժասպառ անելու, ջրօգտագործման թույլտվություններ չտրամադրելու կամ չերկարաձգելու ուղղությամբ: Իսկ սեփական բիզնես-կառույցները հստակ զարգացնելու ամենանախընտրելի և ջրերով հարուստ տեղանքներ ընտրելու համար ոչինչ չի խնայվում:
