Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս       Մարդը չի կարողացել անգամ արցախցիներին անվտանգ բենզին բաժանել, բայց հիմա խորհուրդ է տալիս Հայաստանին    

13 ապր 2018 19:21

Պետք չէ մոդայիկ երևալ, պետք է ունենալ սեփական ճաշակը, ոճը, երբեք չփորձել կրկնօրինակել հոլիվուդյան աստղերին. Ֆոտո

Պետք չէ մոդայիկ երևալ, պետք է ունենալ սեփական ճաշակը, ոճը, երբեք չփորձել կրկնօրինակել հոլիվուդյան աստղերին. ՖոտոՀայացք մամուլի ակումբի հյուրերն են  միջազգային CMC վարսահարդարների, մատնահարդարների և դիմահարդարների կոնֆեդերացիայի փոխնախագահ, Ռուսաստանի CMC կոնֆեդերացիայի նախագահ Վաժա Մխիթարյանը և դիզայներ, ստիլիստ, «RAI STYLE» միջազգային գեղեցկության ակադեմիայի նախագահ, CMC կոնֆեդերացիայի Հայաստանի նախագահ Ռաիսա Մելքոնյանը խոսեցին Հայաստանում և աշխարհում գեղեցկության տենդենցի, ինչպես նաև միջազգային փառատոններում և բեմերում հայ մասնագետների նվաճումների մասին:
Ռաիսա Մելքոնյանը նշեց, որ հիմա այն ժամանակներն են, որ գեղեցկության ինդուստրիան ավելի է մեծացել. «Արդեն փաստ է, որ ի շնորհիվ շատ հայերի, որոնք աշխարհում մեծագույն կշիռ ունեն, ՌԴ-ում և Եվրոպայում մեր հայ վարպետները հաճախ են թելադրում արվեստը, ստիլը, մոդան»,-ասաց նա, հավելեով, որ անկախ նրանից, թե ինչպես է Հայաստանում ընթանում գեղեցկության տենդենցը,  Հայաստանյան վարպետների հաջողությունները ակնհայտ են միջազգային մրցույթներում և աշխարհի տարբեր բեմերում.«Արդեն բազմաթիվ անգամներ Հայաստանի դրոշը բարձացվել է տարբեր միջազգային բեմերում, հնչել հայկական հիմնը, ինչի համար յուրաքանչյուր հայ հպարտություն է  զգում: Այս տարին բավական հաղթական էր՝ Էկատերինբուրգում ութ մրցանակներից յոթ առաջին և երկրորդ հաղթական տեղերը մեր՝  հայկական թիմն է գրավել: Երբ ութ անգամ նույն բեմում, նույն օրը կրկնվում է քո երկրի անունը, ինչը  շատ ոգևորող է և դժվար թե մոռանալ լինի»: 
Պետք չէ մոդայիկ երևալ, պետք է ունենալ սեփական ճաշակը, ոճը, երբեք չփորձել կրկնօրինակել հոլիվուդյան աստղերին. ՖոտոՆա նաև նշեց, որ արդեն գործում է CMC Հայաստանյան ներկայացուցչությունը, որը այն կազմակերպությունն է, որ հայ մասնագետներին կարող է դուրս բերել ամենաբարձր բեմեր:
Վաժա Մխիթարյանի կարծիքով էլ, հայ մասնագետները, թե արվեստի, թե արհեստի առումով պրոֆեսիոնալներ են, տարբեր ոլորտներում. «Այո, վստահաբար կարող եմ ասել, որ հայ ժողովուրդը կրում է «Ոսկե ձեռքեր տիտղոսը»,-ասաց նա հավելելով, որ այդ փաստը հայտնի է ողջ աշխարհին:
Անդրադառնալով, ազգային, ավանդականին նա նկատեց, որ ամեն երկիր ունի իր ազգային առանձնահատկությունները: Հայկական ազգային ոճը նա շատ բարձր գնահատեց. «Հայերը բավական հին ազգ են և ինչու պետք է մենք ձգտենք նմանվել Ամերիկացիներին, Եվրոպացիներին, երբ կարող եմ ասել, որ այլ ազգերը շատ բան կարող են վերցնել հենց հայկականից»,- ասաց Վաժա Մխիթարյանը:
Ամեն դեպքում նա նաև կարծում է, որ հայ ազգին փոքր ինչ խանգարում է կոնսերվատիվ լինելը. «Երբեք պետք չէ վախենալ ինքն իրեն փոխելուց: Եթե կինը ամեն անգամ նոր զգեստ է գնում, ապա ինչու պետք է մազը, հարդարանքը չփոխի»: 
Մոդայի հետևից գնալը նա համարում է ոչ ճիշտ ընտրություն.«Գեղեցկությունը դա արդեն արվեստ է: Մոդայի հետևից պետք չէ ընկնել: Պետք չէ մոդայիկ երևալ, պետք է ունենալ սեփական ճաշակը, ոճը: Երբեք չփորձել կրկնօրինակել հոլիվուդյան աստղերին, երբեք չհագնել այնպիսի հագուստ, որով չես կարող թաքցնել թերությունները, և ամենա կարևորը գտնել անձնական ստիլը, ոճը»,-խորհուրդ տվեց Վաժա Մխիթարյանը:
Իսկ անդրադառնալով մոդա հասկացողությանը նա ասաց, որ այժ  ոչ մեկ նորը չի հնարում այն արդեն վաղուց՝ 10-12 տարին մեկ կրկնվում է, իհարկե ավելի թարմացված, նոր էլեմենտներով հագեցած:
Հավելենք, որ Վաժա Մխիթարյանը  աշխատել է շատ հայտնիների հետ, ովքեր են, Ստալինի աղջիկը՝ Սվետլանա Ալելուևան, Ստալինի թոռնուհին՝ Օլգան, Վալենտինա Տերեշկովան և շատ այլ հայտնիներ, ինչպես նաև գրեթե բոլոր ՀԽՍՀ քարտուղարները, սակայն նրա համար ամենակարևորը բոլոր այն կանայք են ովքեր դիմում են իրեն «Բոլոր կանաք ինձ համար թագուհիներ են: Ինձ համար ավելի թանկ ու սիրելի են եղել տնային տնտեսուհիները, քան որևէ պաշտոնյա՝ պաշտոնյային կարող ես մերժել, բայց կնոջը ոչ», ասաց,- Վաժա Մխիթարյանը:
Նշենք, որ Վաժա Մխիթարյանը, արդեն մի քանի օր է Հայաստանում է և սեմինար դասընթացներ է անցկացնում հատկապես մարզերի վարսահարդարների համար:
Պետք չէ մոդայիկ երևալ, պետք է ունենալ սեփական ճաշակը, ոճը, երբեք չփորձել կրկնօրինակել հոլիվուդյան աստղերին. Ֆոտո

Մեկնաբանություններ


Համընկնող լուրեր