Որտեղ է Սերժ Սարգսյանը
Հանրապետական կուսակցությունը կա ու կլինի: Այս մասին այսօր՝ ապրիլի 24-ին, Ծիծեռնակաբերդում լրագրողների հետ զրույցում ասաց ԱԺ փոխնախագահ, ՀՀԿ մամուլի խոսնակ Էդուարդ Շարմազանովը՝ անդրադառնալով նախօրեին տեղի ունեցած իրադարձություններին:Հարցին, թե որտեղ է այժմ Սերժ Սարգսյանն ու ինչու չի այցելել Ծիծեռնակաբերդ, Շարմազանովն անպատասխան թողեց: Նա հրաժարվեց նաեւ այլ հարցերի պատասխանել եւ արագ հեռացավ: Հարցերի հրաժարվեց պատասխանել նաեւ ԱԺ ՀՀԿ խմբակցության ղեկավար Վահրամ Բաղդասարյանը: Նա հունից դուրս եկավ, երբ լրագրողներից մեկը հետաքրքրվեց, թե որտեղ է Սերժ Սարգսյանը:
«Աղջիկ ջան, կգաս, կասեմ»,- դիմեց լրագրողին ՀՀԿ խմբակցության ղեկավարը:
