Նիկոլ Փաշինյանը քայլերթի մասնակիցների հետ ծաղիկ դրեց Ծիծեռնակաբերդում և ուղևորվեց լրագրողների հետ հանդիպման
![](https://news.am/img/news/44/80/95/default.jpg)
Ի վերջո, Նիկոլ Փաշինյանը հայտարարել է, թե օտարերկրյա լրագրողների համար ասուլիս պիտի տա, եւ խնդրել է իրեն ճանապարհ տալ, որպեսզի ծաղիկներ դնի եւ արագ հասնի ասուլիսի վայր։
Նշենք, որ երթի մասնակիցները ժամը 15-ին Հանրապետության հրապարակից երթով շարժվել էին դեպի Ծիծեռնակաբերդի հուշահամալիր:
Նախօրեին Փաշինյանը հայտարարել էր, որ այսօր որեւէ քաղաքական միջոցառում նախատեսված չէ, միայն կլինի երթ Հանրապետության հրապարակից դեպի Ծիծեռնակաբերդի հուշահամալիր: Իսկ արդեն վաղը՝ ապրիլի 25-ին, իշխանությունների հետ կշարունակի բանակցությունները՝ իշխանության անցնցում փոխանցման համար:
Հիշեցնենք, որ երեկ՝ ապրիլի 23-ին Սերժ Սարգսյանը հրաժարական տվեց վարչապետի պաշտոնից: