Ռազմական հեղաշրջում Թուրքիայում. կան զոհեր
Թուրքիայում ռազմական հեղաշրջման փորձ է տեղի ունեցել, որի ժամանակ զոհվել է 60
մարդ, տուժել է ավելի քան 150–ը, 754 մարդ ձերբակալվել է:Ինչպես հայտնում են միջազգային լրատվամիջոցները, Անկարայում և
Ստամբուլում երկնքում ուղղաթիռներ են պտտվում, կրակ է արձակվում, Անկարայի
փողոցներում տանկեր կան, փակ է Ստամբուլի միջազգային օդանավակայանը,
անջատվել է հանրային հեռուստատեսությունը: Հաղորդվում է նաև, որ անջատված են սոցիալական ցանցերը՝
Ֆեյսբուքը, Թվիթերը:
CNN Turk
հեռուստաալիքի հաղորդմամբ՝ Թուրքիայում ռազմական հեղաշրջման փորձը նախապատրաստվել էր ռազմական
դատախազի և 46 բարձրաստիճան սպաների կողմից:
Թուրքիայում արտակարգ դրություն է հայտարարված եւ
պարետային ժամ:
Թուրքիայի բանակի
գլխավոր շտաբից հայտարարություն են տարածել նաև, թե Թուրքիայի ղեկավարությունը
ձերբակալված է, և իշխանությունը փոխվել է:
