Լևոն Ալթունյանը հրաժարական դեռ չի տա
ՀՀ առողջապահության նախարարի պաշտոնակատար Լևոն Ալթունյանը դեռ չի պատրաստվում հրաժարական տալ:«Այս պահին ես կատարում եմ իմ պարտականությունները և կշարունակեմ կատարել դրանք այնքան, ինչքան գտնի վարչապետը», -կառավարության նիստից հետո լրագրողներին ասաց Լևոն Ալթունյանը:
Հարցին՝ տեսնո՞ւմ է իրեն Փաշինյանի ղեկավարած կառավարությունում, Լևոն Ալթունյանն ասաց, որ այդ հարցը պետք է տալ Նիկոլ Փաշինյանին:
Հարցին՝ գտնո՞ւմ է, որ ինքը պետք է մնա, առողջապահության նախարարի պաշտոնակատարը պատասխանեց. «Ես ոչինչ չեմ գտնում, ես կատարում եմ ժամանակավոր պաշտոնակատարի ֆունկցիաները»:
Դիտարկմանը, որ նախորդ անգամ ասել էր, որ հինգ տարվա ծրագրեր ունեն, որոնք պետք է կատարվեն, Լևոն Ալթունյանն ասաց, որ, այո, այդ ծրագրերը պետք է իրագործվեն:
