Մայիսի 19-ին, ժամը 12 00 «Հայացք» մամուլի ակումբի հյուրերն են          Եթե Սյունիքին վտանգ սպառնա, ապա Իրանը զորք կուղարկի Հայաստան, պարսիկները ոչ ոքի չեն հարցնի       Եվրոպական խորհրդարանում հայ գերիների հարցի քննարկմանն դեմ Ադրբեջանը լոբբիստական գործունեություն է ծավալում    

16 մայիս 2018 12:57

Արդյո՞ք քրեական հեղինակությունները հանդիպել են Փաշինյանին

Արդյո՞ք քրեական հեղինակությունները հանդիպել են ՓաշինյանինԱպրիլի 23-ին, երբ վարչապետ Սերժ Սարգսյանը հրաժարական տվեց շատերի համար հասկանալի դարձավ, որ առաջիկայում ՀՀԿ-ն գործադիրում կորցնելու է իր դիրքերը ու չեղարկվելու են նախկին պայամանվորվածությունները ՀՀԿ-ական իշխանության հետ:
Այս իրողությունից ելնելով, հենց այդ օրվանից տարբեր խմբեր և անհատներ փորձել են հանդիպումներ ունենալ վարչապետի ամենահավանական թեկնածու, հեղափոխության առաջնորդ Նիկոլ Փաշինյանի հետ:
 Ըստ Politik.am-ին հասած տեղեկությունների՝ այդ օրերին, Մարիոթ հյուրանոցում Փաշինյանին մոտեցել են նաև քրեական աշխարհի ներկայացուցիչներ, որոնք փորձել են ամենայն հավանականությամբ որոշակի պայամանավորվածություններ ձեռք բերել:
 Ըստ լուրերի՝ հանդիպումը բավական կարճ է տևել ու Փաշինյանը կարծես չի արդարացրել քրեականների հույսերը:
Տեղեկատվությունը ճշտելու համար Politik.am-ը դեռևս մայիսի 11-ին գրավոր հարցում էր ուղարկել «Իմ քայլը» շարժման մամուլի խոսնակ Տիգրան Ավինյանին, ով այսօր արդեն զբաղեցնում է  փոխվարչապետի պաշտոն: Ավինյանը մեր հարցումից րոպեներ անց հեռախոսազանգի միջոցով ասաց, որ չի եղել նման հանդիպում: Մենք առաջարկեցինք հերքումը այնուամենայնիվ ներկայացնել գրավոր, ինչը խոստացավ անել խոսնակը, սակայն մինչ այսօր մեր գրավոր հարցմանը չենք ստացել պատասխան:

Մեկնաբանություններ

Համընկնող լուրեր