Եվ ահա նոր սպառնալիք.Հրավիրում ենք իրավապահների ուշադրությունը.«Զանգի, ասա` ռnւմբ կա «Դալմա մոլ»-ում»          Չեմբեռլենը պատմության մեջ մնացել է որպես հանձնող, զիջող.Իրականում ի՞նչ է արել նա. զոհաբերել է իր կյանքն ու ապագան, բայց Բրիտանիան փրկել է պարտությունից       Բաքուն ևս մեկ «հաղթանակ» է ուզում.Ադրբեջանի Նավթադոլարները սպառվում են,Էրդողանին պետք էվճարի պատերազմի ժամանակ աջակցության համար    

21 մայիս 2018 16:53

Պետք է փոխվի վերաբերմունքը գիտության նկատմամբ, բավական է մի փոքր խրախուսանք և գիտնականը կարող է մեծ արտադրանք տալ

Պետք է փոխվի  վերաբերմունքը գիտության նկատմամբ, բավական է մի փոքր խրախուսանք և գիտնականը կարող է մեծ արտադրանք տալՀայացք մամուլի ակումբում Տարածաշրջանային աստղագիտական կենտրոնի տնօրեն Արեգ Միքայելյանը խոսեց քաղաքականության և երկրի միջազգային հեղինակության ձևավորման համար գիտության դերի Բյուրականը տարածաշրջանային աստղագիտական կենտրոն դառնալու մասին:
Արեգ Միքայելյանը նշեց, որ Հայաստանը չունենալով մեծ տարածք և բնակչություն այնուհանդերձ ունի զարգացած գիտություն. «Հայ ժողովուրդը մտքի ժողովուրդ է: Նրա գլխավոր հաղթաթուղթը մտավոր ներուժն է»,- ասաց Արեգ Միքայելյանը:
 
Ինչ վերաբերվում է նոր ձևավորված կառավարությանը Արեգ Միքայելյանը սպասելիքներ ունի. «Այս կառավարությունը, երևի, ավելի «առաջնահերթ» խնդիրներ ունի լուծելու, թեպետ դեռ հարց է՝ գիտության նկատմամբ վերաբերմունքը առաջնահե՞րթ խնդիրներից պիտի լինի, թե՞ պետք է սպասենք: Նույնիսկ, եթե վերցնենք, որ սոցիալական բազմաթիվ հարցեր կան, որոնք առաջնակարգ են, դրանք լուծելուց հետո անմիջապես պետք է հասկանալ, որ երկիրը կարող է առաջընթաց ունենալ գիտության զարգացման շնորհիվ: Ընդամենն ակնկալվում է, որ բյուջեից հատկացումները մի փոքր ավելանան, իսկ ամենակարևորը պետք է փոխվի  վերաբերմունքը գիտության նկատմամբ: Գիտնականին խոշոր չափերի ֆինանսավորում պետք չէ, բավական է մի փոքր խրախուսանք, և գիտնականը կարող է մեծ արտադրանք տալ»,-նկատեց Արեգ Միքայելյանը:

Մեկնաբանություններ


Համընկնող լուրեր