Ահա թե որտեղ են մսխվում փողերը. քաղաքապետարանը «Էրեբունի Երևան 2800» անունով 500 շիշ կոնյակ է ձեռք բերել, որոնցից ամեն մեկի արժեքը կազմելու է 23700 դրամ
Երևանի քաղաքապետարանը 11,8 միլիոն դրամ է ծախսել 500 հատ կոնյակ ձեռք բերելու համար:Այս մասին են վկայում գնումների էլեկտրոնային armeps կայքում հրապարակված փաստաթղթերը:
Ըստ այդմ, պարզվում է, որ Երևանի քաղաքապետարանը «Էրեբունի Երևան 2800» անունով 500 շիշ կոնյակ է ձեռք բերել, որոնցից ամեն մեկի արժեքը կազմելու է 23700 դրամ:
Կոնյակները ձեռք են բերվել Երևանի կոնյակի գործարանից: Գործարքի ընդհանուր արժեքը կազմում է 11,850,000 դրամ:
Հատկանշական է, որ ըստ փաստաթղթի, կոնյակի շշերը պետք է լինեն 750 մլ տարողությամբ, զարդարված լինեն հոբելյանական լոգոյով, որի տպագրական հիմքը կլինի մետալիք թուղթը:
Նշվում է նաև, որ կոնյակը պետք է պատրաստված լինի ոչ պակաս քան 10 տարվա հնեցվածությամբ սպիրտից, ստացված ՀՀ տարածքում, աճեցված խաղողի որոշակի սորտից։
Հիշեցնենք, որ այս տարվա աշնանը Երևանում մեծ շուքով նշվելու է քաղաքի 2800-ամյակը` «Էրեբունի Երևան 2800»-ը:
