Կարևոր է նաև ճանապարհային նշանների և ցուցանակների թարմացումը, ճանապարհների նորոգված լինելը. Արտակ Խաչատրյան
Հայացք մամուլի ակումբում վարորդների իրավունքների պաշտպան-փաստաբան Արտակ Խաչատրյանը խոսեց ավտովարորդների տուգանքների համաներման հարցերի և ներկայիս երթևեկության իրավիճակի շուրջ:Արտակ Խաչատրյանը նշեց, որ համաներումը ճիշտ է անհրաժեշտ է,
բայց կոպիտ խախտումները ներել պետք չէ, ինչպես նաև պետք չէ վերացնել տեսախցիկները. «Ողջունելի է, որ նվազ նշանակության խախտումների համար տուգանքների համաներում կարող է լինել, բայց, դրան զուգահեռ, անհրաժեշտ է վերահսկողություն իրականացնել, որպեսզի չծայրահեղականացվի իրավիճակը: Քաղաքացիներին տարանջատելը շատ բարդ է, որովհետև եթե այս համաներումը
ազդելու է 100 հազար քաղաքացու վրա, և ամեն մեկին առանձին մոտեցում ցուցաբերելու համար
պետությունը ոչ ժամանակ ունի, ոչ ռեսուրս:
Այս անգամ ուղղակի մեծահոգություն է պետք ցուցաբերել»,-
ասաց Արտակ Խաչատրյանը:
Արտակ Խաչատրյանը նկատեց, որ արգաչափերը չեն հանվում․ «Պարզապես որտեղ 60-ից ցածր է թույլատրվել արագությունը,
թույլատրելու են մինչև 60 երթևեկեն, դրա փոխարեն՝ հարթակները բարձրացնելու են, որ արհեստականորեն կանոնակարգեն»,- հավելելով, որ այն մարդիկ, ովքեր նախկինում խախտումներ են արել, ներկայումս էլ են անում, բայց դա արդեն սկսել է աչք ծակելը և կարծում է, որ վերահսկողությունը պետք է մեծացնել։
Արտակ Խաչատրյանը կարևորեց նաև ճանապարհային նշանների և ցուցանակների թարմացումը, ճանապարհների նորոգված լինելը, ինչպես նաև վարորդական վկայական ստանալու գործընթացի վերահսկողության ուժեղացումը:
