Երեւանում չբնակվող նախարարները բյուջեից բնակության վարձի գումար կստանան
Մոտ 800 հազար աշխատավարձ ստացող նախարարներին նաեւ բնակարանի վարձի համար հավելյալ 100 հազար դրամ կտրվի: Կառավարության այսօրվա նիստի օրակարգի հարցերից մեկն էր սա: Որոշումը միաձայն ընդունեց կառավարության այսօրվա նիստում:Սակայն գումարը կտրվի այն նախարարներին, որոնք Երեւանի բնակիչ չեն:
«Իր մշտական բնակության վայրից դուրս պաշտոնի նշանակված կառավարության անդամին տվյալ վայրում բնակարանի վարձին համարժեք փոխհատուցման առավելագույն չափ սահմանել՝ ամսական 100 000 ՀՀ դրամ»,- ասված է որոշման մեջ:
Փոխհատուցումը տրամադրվում է կառավարության անդամի` վարչապետին ուղղված դիմումի հիման վրա:
Տեղեկացնենք, որ Ազգային Ժողովի այն պատգամավորները, որոնք չեն ապրում Երեւանում, եւս ստանում են 100.000 դրամ՝ Երեւանում բնակարան վարձելու համար:
