«Տեսնում եք այն, ինչ տեսնում եք». ԱԱԾ խոսնակը՝ Դոն Պիպոյին բերման ենթարկելու մասին
Ինչպես ավելի վաղ հայտնեցինք Ազգային անվտանգության ծառայությունն այսօր առավոտվանից միաժամանակյա գործողություններ է իրականացնում ԱԺ ՀՀԿ խմբակցության պատգամավոր, գեներալ Մանվել Գրիգորյանի և նրա հակառակորդ, հայտնի քրեական հեղինակություն Արթուր Ասատրյանի` Դոն Պիպոյի ամառանոցներում:
ԱԱԾ մամուլի խոսնակ Սամսոն Գալստյանը, անդրադառնալով տարածված տեսանյութին, ասել է.
«Տեսնում եք այն, ինչ տեսնում եք: Ես միայն կարող եմ հաստատել, որ աշխատանքները շարունակվում են, կավարտվեն, և դրանից հետո մենք հայտարարություն կտարածենք»:
Ըստ ամենայնի` Հայաստանի քաղաքական իշխանությունը կանխատեսելի որոշում է կայացրել Էջմիածնի ճգնաժամը հաղթահարելու, կրքերը հանգստացնելու ուղղությամբ:
Նիկոլ Փաշինյանը գտել է թերևս միակ ռացիոնալ լուծումը` Էջմիածինը պետք է ազատագրել թե Մանվել Գրիգորյանի կլանից և թե Դոն Պիպոյի բանդայից: Ընդ որում` Փաշինյանը հստակ հակացնում է, որ խնդիրը հանգուցալուծվելու է ոչ այնքան քաղաքական, որքան` իրավական հարթության վրա: Այս մոտեցումը միանգամայն համարժեք է, որովհետև Էջմիածնի հակամարտության երկու կողմերը, նրանց գզվռտոցը քաղաքականության հետ առնչություն չունեն և վերաբերում են այնպիսի հարցերի, որոնցով, որպես կանոն, զբաղվում են իրավապահ մարմինները:
