Օդի՞ց ընկավ զինվորի բաժին պահածոն և հայտնվեց Մանվել Գրիգորյանի մոտ. գործարանում զարմացած են

Ըստ տեղեկությունների՝Մանվել Գրիգորյանին պատկանող տարածքներում ԱԱԾ-ի կատարած խուզարկության տեսանյութում ցուցադրված մսի պահածոները, որոնց վրա գրված է «Զինվորի բաժին. Վաճառքի ենթակա չէ», արտադրված են «Համլետ Հովսեփյան» ԱՁ պահածոների գործարանում: Սակայն Համլետ Հովսեփյանի որդին՝ Հայկ Հովսեփյանը բացառում է դա, որ պահածոները իրենց գործարանից են հայտնվել Մանվել Գրիգորյանի առանձնատուն. «Մամուլից ենք իմացել, որ նման բան է եղել: Մեզ մոտ քանակի արտահոսք չի եղել: Ամեն արտադրած պահածոն ակցիզավորվում է. մենք ոչ մի կապ չունենք այդ հանգամանքի հետ»: