Ամուլսարի բազմաթիվ աշխատակիցներ ի նշան բողոքի Երևանում են՝ ՀՀ կառավարության շենքի դիմաց
Hayacq.com-ի տեղեկություններով
«Լիդիան Արմենիա» ընկերության՝ Ամուլսարի բազմաթիվ աշխատակիցներ, այս պահին Երևանում
են կառավարության շենքի դիմաց: Նրանք որոշել են իրենց բողոքի ձայնը
բարձրացնել կառավարության առջև, ի նշան Ամուլսարի ճանապահի փակ լինելուն՝ իրենց աշխատանքի բնականոն գործընթացը բնապահպան ակտիվիստների
կողմից խոչընդոտելու համար: Նրանց պահանջն է ականջալուր լինել վարչապետի հայտարարությանը,
որն է դադարեցնել հանքերի ճանապարհների փակելը, որպեսզի նրանք իրենց բնականոն աշխատանքը
շարունակեն, քաի որ կա որոշում՝ կառավարությույնը
պետք է զբաղվի ստուգման աշխատանքներով:
Մեր տեղեկություններով, ուրբաթ երեկոյան Ամուլսարի աշխատակիցները՝ ի հակադրումն բնապահպան
ակտիվիստների կողմից Ամուլսարի ճանապարհի փակմանը, փակել էին Ջերմուկ տանող ճանապարհը,
սակայն մարզպետի և պատգամավորի հորդորով, որ 48 ժամվա ընթացքում կլուծվի հարցը, դադարեցրել
էին իրենց բողոքի գործողությունները: Քանի որ հարցին այդպես էլ լուծում չի տրվել «Լիդիան
Արմենիա» ընկերության՝ Ամուլսարի բազմաթիվ աշխատակիցներ որոշել են հասնել Երևան և իրենց
բողոքն իրականացնել ՀՀ կառավարության շենքի դիմաց:
