ՀՅԴ-ն կմասնակցի Երևանի ավագանու ընտրություններին
«ՀՅ Դաշնակցությունն անպայման մասնակցելու է Երևանի ավագանու ընտրություններին»,-հայտարարել է ՀՅԴ Հայաստանի Գերագույն մարմնի անդամ Արթուր Եղիազարյանը:Նրա փոխանցմամբ, կուսակցությունը մասնակցելու է ինքնուրույն՝ առանց որևէ դաշինքի (նման քննարկում կամ բանակցային գործընթաց անգամ չի եղել):
«Մասնակցելու է վճռական, համայն հայության մայրաքաղաք Երևանի ու երևանցու շահերից բխող իրատեսական հստակ ծրագրով։ Թեկնածուների ու ծրագրի վերաբերյալ՝ կհայտարարվի ժամանակին։
Ընտրությանը ՀՅԴ-ի մասնակցել - չմասնակցեկու թեմայի շուրջ տարբեր լրատվամիջոցներում պտտվող մնացած բոլոր լուրերը ապատեղեկատվություն են»,-նշել է Եղիազարյանը:
Երևանի ավագանու ընտրություններին մասնակցելու մասին հայտարարել է նաև «Քաղաքացիական պայմանագիր», «Բարգավաճ Հայաստան», «Երկիր ծիրանի», «Օրինաց երկիր» կուսակցությունները:
