Ռոբերտ Քոչարյանին կալանքից ազատ արձակելու դեմ ներկայացված Վճռաբեկ բողոքը քննելու առումով եռամսյա ժամկետ կա
Վճռաբեկ դատարանը ներկայացված բողոքները քննելու առումով եռամսյա ժամկետ ունի:Ինչպես նախօրեին տեղեկացրել էինք, ՀՀ երկրորդ նախագահ Ռոբերտ Քոչարյանին կալանքից ազատ արձակելու վերաբերյալ վերաքննիչ դատարանի որոշման դեմ Գլխավոր դատախազության կողմից ներկայացված բողոքը օգոստոսի 21-ին մուտք է եղել Վճռաբեկ դատարան:
«Փաստինֆո»-ն Դատական դեպարտամենտից տեղեկացավ, որ նման բողոքը կամ բողոքները քննվում են կոլեգիալ մարմնով, զեկուցող դատավոր առանձին չկա, և քրեական դատավարության օրենսգրքի համաձայն՝ պալատը եռամսյա ժամկետ ունի՝ ներկայացված բողոքը կամ բողոքները քննելու առումով:
Եռամսյա ժամկետի սկիզբ կհաշվի երեկվանից:
Ավելի վաղ տեղեկացրել էինք, որ օգոստոսի 13-ին ՀՀ վերաքննիչ քրեական դատարանի կողմից բավարարվել էր ՀՀ երկրորդ նախագահ Ռոբերտ Քոչարյանի նկատմամբ կալանքը որպես խափանման միջոց կիրառելու առաջին ատյանի դատարանի որոշման դեմ պաշտպանների բողոքը` հաշվի առնելով այն, որ ՀՀ երկրորդ նախագահ Ռոբերտ Քոչարյանն անձեռնմխելի է:
