Ժիրայր Սեֆիլյանը հրաժարվել է Սերժ Սարգսյանի հրաժարականի պահանջից. Վիտալի Բալասանյան
Ժիրայր Սեֆիլյանը և մնացած տղաների մեծամասնությունը հրաժարվել են
Սերժ Սարգսյանի հրաժարականի պահանջից: Այս մասին ոստիկանության ՊՊԾ գնդի տարածքում
լրագրողների հետ հանդիպման ժամանակ հայտարարեց Արցախի խորհրդարանի
պատգամավոր, Արցախի հերոս Վիտալի Բալասանյանը:«Ես եղել եմ Ժիրայր Սեֆիլյանի մոտ, Նախագահի ներկայացուցիչն է եղել և Ալեք Ենիգոմշյանը: Մենք քննարկել ենք զենքը վայր դնելու հարցը»,- ասաց Վիտալի Բալասանյանը:
Վիտալի Բալասանյանի խոսքով՝ Ժիրայր Սեֆիլյանը շատ դրական է արձագանքել բանակցությունների ընթացքը: Նա նաև հայտնեց, որ կես ժամ առաջ էլ է խոսել Ժիրայր Սեֆիլյանի հետ, և նա նորից հաստատել է, որ ինքը հրաժարվում է Սերժ Սարգսյանի հրաժարականի պահանջից:
