Վլադիմիր Գասպարյանի հանդեպ քրեական գործ է հարուցվել
Hetq.am-ը գրում է, որ սեպտեմբերի 3-ին նախկին ոստիկանապետ Վլադիմիր Գասպարյանի կողմից առանձնատուն ձեռք բերելու վերաբերյալ «Հետք»-ի հրապարակման հիման վրա ՀՔԾ-ում քրեական գործ է հարուցվել:«Hetq.am» լրատվական կայքում հրապարակված «Վլադիմիր Գասպարյանը 200 հազար դոլարով դարձել է 3 մլն դոլարանոց առանձնատան տեր» վերտառությամբ հոդվածի հիման վրա նախապատրաստված նյութերով ՀՀ հատուկ քննչական ծառայությունում ՀՀ քրեական օրենսգրքի 178-րդ հոդվածի 3-րդ մասի 1-ին կետով և 309-րդ հոդվածի 1-ին մասով հարուցվել է քրեական գործ` առանձնապես խոշոր չափերով խարդախություն կատարելու և պաշտոնատար անձանց կողմից պաշտոնեական լիազորություններն անցնելու առերևույթ հանցագործության դեպքերի առթիվ:
Կատարվում է նախաքննություն:
