Վարչապետի օգնականի անունը հեռացվել է պաշտոնական կայքէջից
Վերջին օրերին վարչապետ Նիկոլ Փաշինյանի նոր օգնականի նշանակումը մեծ աղմուկ էր բարձրացրել համացանցում: Արտառոցն այդ նշանակման մեջ այն էր, որ վարչապետի օգնական էր դարձել առաջին տիկնոջ` Աննա Հակոբյանի վարսավիր-ոճաբանը` Սոֆյա Նավասարդյանը:Այսօր` նշանակումից ընդամենը մի քանի օր անց, վարչապետ Նիկոլ Փաշինյանի պաշտոնական կայքէջի «Աշխատակազմ» բաժնում Սոֆյա Նավասարդյանի անունը նշված չէ, անգամ վարչապետի որոշումների բաժնից հեռացվել է նշանակման մասին որոշումը:
Թյուրիմացությո՞ւն է, թե՞ Նավասարդյանն այլևս վարչապետի օգնականը չէ` yerkir.am-ը փորձեց ճշտել անձամբ Սոֆյա Նավասարդյանից, ով ասաց, որ հարցազրույցներ և մեկնաբանություններ տալ չի ցանկանում: «Երբ կգա ժամանակը` կպատասխանեմ»,- նշեց նա:
