Ահա թե ինչու են ընթրիքին Փաշինյանին նստեցրել սեղանի ծայրին
ՀՀ արտաքին գործերի նախարարության մամուլի քարտուղար Տիգրան Բալայանը, պարզաբանելով, թե ինչու է Դուշամբեում ԱՊՀ երկրների ղեկավարների պատվին Տաջիկստանի նախագահի տված ընթրիքին վարչապետ Նիկոլ Փաշինյանը նստել սեղանի ծայրին, հայտնել է.«Քանի որ երկու Ա-ով երկիր կա, և հավասարություն պիտի պահպանվեր, ոչ թե մեկով սկսեր, մյուսով ավարտվեր, երկու Ա-ով սկսվողներին նստեցրել են սեղանի գլխին»:
Սեղանի մյուս ծայրին, ըստ նրա, պետք է նստեր Ադրբեջանի նախագահ Իլհամ Ալիևը, սակայն նա չի մասնակցել: Ընթրիքի լուսանկարը ակտիվորեն տարածվում է «Ֆեյսբուք» սոցիալական ցանցում, օգտատերերը նկատում են, որ Նիկոլ Փաշինյանը նստած է ծայրում՝ մեկուսացած ընթրիքին հրավիրված երկրների առաջնորդներից:
