Որքան գումար կծախսվի «Էրեբունի-Երևան» տոնակատարությունների անցկացման համար
Երեւանի հիմնադրման 2800 ամյակին նվիրված «Էրեբունի-Երեւան» տոնակատարությունների անցկացման համար քաղաքապետարանը նախատեսել է ծախսել բավական լուրջ գումարներ:Ընդ որում, սա դեռ նախորդ իշխանությունների ժամանակ: Պաշտոնական փաստաթղթերից պարզ է դառնում, որ քաղաքապետարանը Երևանի հիմնադրման 2800 ամյակին նվիրված «Էրեբունի-Երևան» տոնակատարության շրջանակում մշակութային միջոցառումների անցկացման նպատակով հատկացրել է 138 մլն 480 հազար դրամ գումար:
Իսկ պայմանագիր կնքվել է «ԷյԴիվի Մեդիա Էս» ընկերության հետ: Նշենք, որ «Էյդիվի մեդիա Էս» ՍՊԸ-ն պատկանում է երեւանաբնակ Արմեն Աբրահամյանին: Այս ընկերության հիմնադիրներից է եղել վաղամեռիկ Մարկ Սաղաթելյանը: Ի դեպ, այս ընկերությանը ժամանակին վստահվել է նաեւ քաղաքի գլխավոր տոնածառի եւ ամանորյա այլ զարդարանքի աշխատանքները:
