Ծերությունն ամենևին էլ ճակատագրի հեգնանք չէ. Ֆոտոշարք
Արտերկրում մարդիկ վաղուց արդեն հասկացել են՝ ծերությունն ամենևին էլ ճակատագրի հեգնանք չէ: Երբ մոտենում է կենսաթոշակի տարիքը, մարդիկ սկսում են ավելի հաճախ շրջագայել, նորովի բացահայտել աշխարհը: Հայաստանում, սակայն, որքան մարդը մեծանում է, ավելանում են նրա հոգսերը: «Երևան, իմ սեր» հիմնադրամն
այսօր ՍԲ Սարգիս եկեղեցու հարևանությամբ ապրող տարեցներին և Նորքի տուն-ինտերնատի բնակիչներին հիշեցրել է մանկության տարիները: Տարեցների միջազգային օրվա առթիվ, հիմնադրամի
բակում կազմակերպվել է համերգային երեկո: Օրվա հերոսների մանկության ու երիտասարդության տարիների սիրելի ժողովրդական
երգերը կատարել են «Լապտերներ» մանկական
նախագծի երաժիշտները: Ներկաներից ոմանք երգել
են երաժիշտների հետ, հեռախոսով հավերժացրել անմոռանալի ակնաթարթը:
«Երևան, իմ սեր» հիմնադրամի տնօրեն Արշակ Կարապետյանը Hayacq.com-ի հետ զրույցում նշեց, որ տարեցները մշտապես եղել են հիմնադրամի ուշադրության կենտրոնում: Իսկ «Լապտերների» երաժիշտներին Կարապետյանը նվիրեց ՀՀ նախագահի տիկին Նունե Սարգսյանի հեքիաթների ժողովածուն:
