ՀՔԾ-ն ձերբակալել է Հ2 հեռուստաընկերության սեփականատեր, գործարար Սամվել Մայրապետյանին

Հատուկ քննչական ծառայությունը թեև չի մեկնաբանում գործարար Սամվել Մայրապետյանին ձերբակալելու մասին լուրը, այնուամենայնիվ, ԶԼՄ-ները պնդում են, որ այսօր Սամվել Մայրապետյանը ձերբակալվել է:

Հայտնի չէ, թե գործարարն ինչ գործի շրջանակներում է ձերբակալվել:

Սամվել Մայրապետյանը հանդիսանում է Հ2-ի սեփականատերը, ինչպես նաև՝  «Տոյոտա Երևանի» նախագահն է:

Երևանի կենտրոնում զբաղված էր էլիտար շենքերի, այդ թվում` Հյուսիսային պողոտայի մի հատվածի կառուցմամբ: Աբովյան 8 հասցեում գտնվող շենքը ևս պատկանում է Մայրապետյանին:

Հիշեցնենք, որ Մայրապետյանը 2015 թվականին դիմել է դատարան՝ Տերյան 23, 25  և Լալայանց 37 շենքերի  բնակիչներին իրենց բնակարաններից հանելու համար:

 Սամվել Մայրապետյանը  ՀՀ երկրորդ նախագահ Ռոբերտ Քոչարյանի մերձավորներից է, ասում են` նաև բիզնես գործընկերը: