Ոստիկանների հետապնդումից փախչող ջայլամը սրտի կաթված է ստացել
Իսպանիայում ոստիկանության հետապնդումից մասնավոր տան տարածքից փախչող էմու ջայլամը սատկել է սրտի կաթվածից: Այս մասին գրում է The Daily Mail-ը:Միջադեպը տեղի է ունեցել Բարսելոնայից 20 կմ հեռավորության վրա գտնվող Սան-Կուգաթ դել Վալյես քաղաքում։ Թերթը լուսանկար է հրապարակել, որտեղ երևում է, որ ոստիկանները բռնել են դեռևս կենդանի թռչունին, սակայն հաջորդ լուսանկարում թռչունը արդեն սատկած է։
Կենդանապաշտպանների ասոցիացիան քննադատել է ոստիկանների պահվածքը և առաջարկել դասընթացներ անցկացնել ոստիկանների հետ, որպեսզի նրանք սովորեն, թե ինչպես պետք է վարվել թռչունների հետ։
