Սպասվում է կարճատև անձրև և ամպրոպ, օդի ջերմաստիճանը կնվազի 5-7 աստիճանով          Այն, ինչ այսօր կատարվում է կոչվում է «ռեկետ», եթե ՀԷՑ-ը պետականացվի, պրոբլեմներ ենք ունենալու       ՄԻՊ հայտարարությունը կրոնական ազատությունների երաշխավորման առկա մտահոգությունների առնչությամբ    

14 հոկ 2018 14:41

Հոգեմարմնական առողջություն աշխատաժողով Սթրեսի և ցավի կառավարման կենտրոնում

Հոգեմարմնական առողջություն աշխատաժողով Սթրեսի և ցավի կառավարման կենտրոնումՍթրեսի և ցավի կառավարման կենտրոնում կայացավ «Հոգեմարմնական առողջություն» թեմայով աշխատաժողովը: Կենտրոնի ղեկավար Սոնա Հարությունյանն իր խոսքում նշեց, որ աշխատաժողովը նվիրված է Սթրեսի և ցավի կառավարման կենտրոնի 2–ամյակին, և ընդդեմ ցավի համաշխարհային օրվան: 
 
Բանախոսները` ախտաֆիզիոլոգ, բ.գ.թ. դոցենտ Արտեմ Գրիգորյանը, մաշկաբան-վեներոլոգ Հովհաննես Հովհաննիսյանը, սեքսոպաթոլոգ, բ.գ.թ., դոցենտ Վրեժ Շահրամանյանը, դասախոսությունների և քննարկումների միջոցով փոխանցեցին հետաքրքիր և ժամանակակից տեղեկատվություն սթրեսի և հիշողության կապի, սթրեսի և վերարտադրողական առողջության փոխկապվածության, ակնեի և ինքնասպանություն համահարաբերակցության մասին: 
 
Հատկանշական է, որ աշխատաժողովը մեծ հետաքրքրություն էր առաջացրել ինչպես ուսանողների, այնպես էլ մասնագետների շրջանում: Աշխատաժողովի ամփոփումը տեղի ունեցավ հոկտեմբերի 13–ին հավաստագրերի հանձնումով, որին հաջորդեց ջութակահար Եվա Սուքիասյանի գեղեցիկ կատարումը: Մասնակիցների հավաստմամբ նման հանդիպումները շարունակական լինելու անհրաժեշտություն ունեն: 

Մեկնաբանություններ


Համընկնող լուրեր