Վիետնամցու ականջում սունկ է աճել
Վիետնամցի հիվանդն ականջի ցավերից է բողոքել, և բժիշկը նրա ականջախեցում սնկեր է հայտնաբերել: Այս մասին հաղորդում է Daily Mail-ը:Բժիշկը նրա ականջում սև սպորներ է հայտնաբերել, իսկ մանրամասն հետազոտությունը ցույց է տվել, որ վիետնամցու ականջում սունկ կա: Բժշկի խոսքով՝ եթե նա մի փոքր ուշ դիմեր հիվանդանոց, սունկը կարող էր մեծանալ և ավերել ականջը:
Բրիտանացի բժիշկ Դևիդ Բաուլդերի խոսքով, որն ուսումնասիրել է այս դեպքը՝ կրկնակի վարակի պատճառը մեկ այլ մանրէածին հիվանդության սխալ բուժումն է: Բժիշկը հայտարարել է, որ հիվանդության հարուցիչը «սև Ասպերիգիլ» տեսակի սունկն է:
Հիվանդությունը կարելի է բուժել ականջի համար նախատեսված կաթիլներով և ականջի վակուումային մաքրմամբ:
