Դատապարտել են դեռահաս աղջիկների հանդեպ երկար տարիներ բռնություններ գործածած հանցախմբին

Բրիտանիայի դատարանը անչափահաս աղջիկներին բռնաբարելու և սպանելու գործով մեղավոր է ճանաչել Հադերսֆիլդ քաղաքում բնակվող 20 տղամարդու՝ գրում է newsone.ua-ը։
Բոլոր մեղադրյալները դատապարտվել են 5 տարուց մինչև ցմահ ազատազրկման։ Հանցախմբի ղեկավարը՝ 35-ամյա Ամիր Սինգհ Դալիվալը, դատապարտվել է ցմահ ազատազրկման։
Հանցախումբը բռնություններ է գործադրել անչափահաս աղջիկների նկատմամբ 2004-2011թթ․ ընթացքում։ Տղամարդիկ միտումնավոր փնտրել են որբ կամ անապահով ընտանիքի աղջիկների, ծանոթացել են նրանց հետ, նրանց համար ալկոհոլային խմիչք կամ թմրանյութ գնել։ Աստիճանաբար ձեռք բերելով նրանց վստահությունը՝ սկսել են իրագործել իրենց նպատակները։ Նույն ժամանակահատվածում նմանատիպ հանցագործություններ կատարվել են նաև Անգլիայի այլ քաղաքներում։