Նիկոլ Փաշինյանի կողմնակիցների կոչը՝ հավաքվել ԱԺ այգում. չի բացառվում հերթական սաբոտաժի փորձն արվի
Երեւանի ավագանու անդամ Արամ Մանուկյանը Ֆեյսբուքում գրել է. «Վաղը՝ հոկտեմբերի 24-ին՝ առավոտյան ԱԺ-ն պետք է չընտրի նոր վարչապետ։ Չեմ զարմանա, որ ամեն ինչ սկզբունքորեն ժողովրդի կամքին հակառակն անող ԱԺ-ն ցրվելուց առաջ հերթական սաբոտաժի փորձն անի։ Ապահովության համար արժի վաղվա նիստին հետևել ԱԺ այգուց` ժամը 09 : 30 -ին»:Վաղը խորհրդարանում տեղի է ունենալու վարչապետի ընտրություն: Միակ թեկնածուն «Ելք» խմբակցության կողմից առաջադրված Նիկոլ Փաշինյանն է: Ելք խմբակցության ղեկավար Լենա Նազարյանը պատգամավորներին կոչ է արել չքվեարկել Նիկոլ Փաշինյանի օգտին: ԱԺ-ն երկու անգամ վարչապետ չընտրելուց հետո լուծարվելու է:
