100-ամյա տղամարդուն մինչև 7 տարվա ազատազրկում՝ 92-ամյա կնոջ դեմ սեռական ոտնձգություններ կատարելու համար
Ավստրալիայի Սիդնեյ քաղաքի արվարձաններից մեկում գտնվող ծերանոցում 100-ամյա տղամարդը սեռական հանցանք է գործել 92-ամյա կնոջ հանդեպ՝ տեղեկացնում է Agence France-Presse-ը։Դեպքը տեղի է ունեցել ճաշի ժամին։ Ոստիկանությունը չի հստակեցնում, թե ինչ է հատկապես արել երկարակյաց տղամարդը։ Հայտնի է միայն, որ նրան մեղադրում են անպարկեշտ հարձակման մեջ։ Ավստրալիական օրենքներով այսպես անվանում են ուրիշի սեռական օրգաններին առանց նրա համաձայնության ձեռք տալը եւ սեռական ենթատեքստ ունեցող այլ գործողությունները։
Ծերանոց եկած ոստիկանները կալանավորել են տղամարդուն։ Նրան մինչեւ 7 տարվա ազատազրկում է սպառնում։ Դատը տեղի կունենա նոյեմբերի 20-ին։
.jpg)
