Ռեստորան պայթուցիկ սարք են ուղարկել
Կասկածելի փաթեթն առաքվել է Նյու Յորքում դերասան Ռոբերտ Դե Նիրոյին պատկանող ռեստորանի հասցեով՝ տեղեկացնում է BBC-ն։CNN-ը հաղորդում է, որ փաթեթը հայտնաբերվել է Գրինվիչ սթրիթ փողոցում գտնվող շենքի 7-րդ հարկում։ Շենքում տեղակայված է դերասանին պատկանող Tribeca Productions ընկերությունը եւ Tribeca Grill ռեստորանը։
Ոստիկանները ռենտգենի օգնությամբ պարզել են, որ փաթեթում պայթուցիկ նյութ է՝ նման նրանց, որ նախօրեին ուղարկել էին ԱՄՆ Դեմոկրատական կուսակցության անդամներին։
Ռոբերտ Դե Նիրոն Թրամփին քննադատողներից մեկն է, նախկինում նա ԱՄՆ նախագահին «ազգային աղետ» է անվանել։
Նման մի փաթեթ էլ առգրավվել է Դելավերի փոստային բաժանմունքում։ Այն ուղղված է եղել նախկին փոխնախագահ Ջո Բայդենին։
