Տեսանյութ.Պակասում էր ընդամենը մեկ ձայն. ԸՕ նախագծի ընդունումը դարձյալ տապալվեց
62 կողմ, 2 դեմ հարբերակցությամբ ԱԺ-ն կրկին տապալեց ԸՕ փոփոխությունների նախագծի ընդունումը:Ընտրական օրենսգրքի փոփոխություններն ընդունելու համար անհրաժեշտ էր 63 պատգամավորի կողմ քվե, քանի որ սա համարվում է Սահմանադրական օրենք:
ՀՀԿ-ն հայտնել էր, որ կողմ չի քվեարկելու նախագծին: ՀՅԴ-ից կային բացակա պատգամավորներ. «Ելք»-ն ու «Ծառուկյան» դաշինքը ողջ կազմով մասնակցում էին քվեարկությանը:
«Չեմ ուզում ասել՝ ՀՅԴ-ն է մեղավոր, կամ ՀՀԿ-ն, բայց սա սաբոտաժ էր՝ ամեն ինչ անել, որ չանցնի»,- ասաց «Ելք» խմբակցության պատգամավոր Ալեն Սիմոնյանը՝ հավելելով, որ ընտրություններին կգնան հին օրենսգրքով:
