Նախկին սանիտարը խոստովանել է ավելի քան 100 հիվանդների սպանությունը
Նախկին սանիտար Նիլս Հյոգելը խոստովանել է Գերմանիայում ավելի քան 100 պացիենտների սպանությունը: Այդ մասին հոկտեմբերի 30-ին հայտնելէ NTV հեռուստաալիքը:Գործը հետաքննում է Օլդենբուրգ քաղաքի դատարանը: Ըստ հետաքննության տվյալների, մեղադրյալը սիրտ-անոթային հիվանդությունների դեմ դեղորայքի պահանջվածից ավելի մեծ չափաբաժին է ներարկել ծանր հիվանդ մարդկանց: Ավելի վաղ նա ցմահ բանտարկության էր դատապարտվել այն բանից հետո, երբ խոստովանել էր մի քանի պացիենտների սպանությունը:
Հյոգելն աշխատել է Դելմենհորսթ եւ Օլդենբուրգ քաղաքների կլինիկաներում: Հետաքննությունը պարզել է, որ նա պատասխանատվություն է կրում առնվազն 106 մարդու մահվան համար, հաղորդել է ՏԱՍՍ-ը:
